Dili (Timorpost.com)—Clara Li nu’udar feto foin sa’e Timoroan husi Munisipiu Lospalos ne’ebe servisu ho knar Supervisor iha Aviaun Emirates Airlines hosi Emiradu Árabe Unidu (EAU).
Clara Li hala’o knar hanesan supervisor iha Aviaun Emirates Airlines hosi Emiradu Árabe Unidu (EAU) ou Airbus EK136-21 APR tama on aba tinan 10 liu.
Clara Li sente kontente tebes bainhira hasoru malu ho Primeiru Ministru Xanana Gusmão ne’ebe hala’o Viazem servisu hosi Biennale de Venice-Italia mai tranzita iha Aeroportu Internasional Dubai hodi kontinua hosi Dubai mai Bali.
“Sente kontente hasa’e xefe governu ho delegasaun hodi introdus aan no knaar servisu ne’ebé hala’o hanesan feto Timoroan hamutuk ho Aeromosu nasaun seluk”. TimorPost sita husi Mídia-GPM, Kuarta (24/04/2024).
Xefe Governu Xanana sente orgullu no hato’o parabeniza ba Aeromosa Clara Li atu kontinua hala’o ninia knaar ho profesionál hodi buka manan esprensia oin-oin, too tempu ruma bele fila fali mai kontribui servisu aeromosa iha Timor-Leste.
Aproveita tempu ne’e, Xefe Governu mós introdus dadaun ne’e, Kompañia Aérea ho bandeira Timor-Leste, Aero Dili mós fó formasaun ba aeromosa Timoroan na’in-10 hodi hala’o sira nia misaun iha Timor-Leste.
2,187 total views, 3 views today
Bele hare Video Seluk :
Subscribe to Timorpost
