DILI (timorpost.com)— Hatán ba deklarasaun ne’ebé liga ba informasaun no reklamante sira ne’ebé hato’o husi autoridade lokál suku Bairru-Pite no mos suku seluk katak mosu irregularidade durante eleisaun suku, Prezidente Komisaun Nasional Eleisaun (CNE), Jose Agostinho da Costa Belo, informa ne’e la’os kompeténsia CNE ho STAE nian atu foti desizaun.
“Eleisaun suku ba segundu ronde ne’e, kompeténsia administradór lokál, liu-liu administradór Postu sira, xefe suku no xefe aldeia konsellu suku, tanba ne’e sira maka iha kompeténsia atu foti desizaun kona ba ida ne’e, la’os kompeténsia ami nian, maibé CNE ho STAE apoiu de’it oinsá mak prosesu ne’e bele la’o tuir estandarte,” dehan Prezidente CNE Jose Belo ba Timor Post iha Xanana Sport Center Event Hall, Sábadu (25/11).
Prezidente CNE haktuir, foin lalais ne’e CNE simu reklamasaun husi autoridade lokál suku bairru, maibé CNE resposta ona katak sira la iha kompeténsia, maibé ida kompeténsia husi postu administradór.
“Maski, sira hatama reklamasaun ne’e, maibé lei dehan too de’it iha administradór Postu hodi resolve iha ne’ebá, la too mai iha CNE, karik lei ne’e fó dala ba CNE ami bele hola medida balun tuir regra ne’ebé mak iha, maibé komu lei la fó kompeténsia ami la bele foti desizaun ruma kona ba ida nee,” katak nian.
1,152 total views, 3 views today
Bele hare Video Seluk :
Subscribe to Timorpost
