Dili (timorpost.com)—Xefe Suku foun ne’ebé tama iha kategoria eleitu iha eleisaun suku ne’ebé sei realiza iha 28 Fulan Outubru, sei simu pose iha 28 fulan Novembru 2023.
“Ita eziste suku 442, ida-ne’e ita orsamentu inklui suku foun sia, atu sosa motorizada foun, atu fó ba sira hodi hala’o servisu, bainhira sira eleitu iha eleisaun suku ne’e, iha 28 Novembru hetan tomada pose hotu, Governu prepara kondisaun balu ba sira, ida maka motorizada no prepara farda foun ba sira,” Haktuir Diretór Nasionál Apoia Administrasaun Suku hosi Ministériu Administrasaun Estatál (MAE), Celestino Marques.
Prosesu ida ne’e iha ona proposta 2024 nian, bainhira hetan aprovasaun, ita prosesualiza dignu ba eleita ka eleita xefia suku, hodi uza hala’o nia atividade iha suku no aldeia sira.
Entretantu, ligadu orsamentu ba transporte motorizada, fardamentu no kondisaun sira seluk ne’ebé atu apoiu ba xefe suku, governu seidauk fó sai ba públiku, tanba proposta foin mak submete ba parte finansas STAE nian.
“Ita hein proposta xefe suku nian, governu lori ba Parlamentu Nasionál (PN), atu halo diskusaun, mak foin ba desizaun, nune’e marka motoriza ba nia kualidade seidauk fó sai.”Nia deklara.
1,380 total views, 3 views today
Bele hare Video Seluk :
Subscribe to Timorpost
