ADVERTISEMENT

Komemora Loron FALINTIL ho Atividade Motor Bike, Komisaun Aprezenta ba PR Horta

Mario da Costa - Jeral
Jornalista : Mariano Abi
Editor : Mário da Costa
  • Share
Komisaun Organizadora Motor Bike, David Profirio do Rozario da Silva, Imajen TP/Mariano Abi

DILI (Timor Post) – Komisaun Drag Bike Timor-Leste ho Federasaun Motor Siklismu Timor-Leste, Informa ba Prezidente Repúblika (PR), José Manuel Ramos Horta, kona-ba komemorasaun loron FALINTIL ba dala 47, ne’ebé monu iha loron 20 fulan Agostu, no mós loron Konsulta Populár ba dala 23, ne’ebé sei monu iha loron 30 fulan Agostu tinan ne’e, sira sei anima ho atividade Motor Bike.

“Ami husi Drag Bike hamutuk ho Federasaun Motor Siklismu Timor-Leste, ami informa ba Xefe Estadu atividade Motor Bike nian, hodi komemora loron FALINTIL loron 20 Agostu, no loron Konsulta Populár 30 Agostu tinan ne’e,” Komisaun Organizadora Motor Bike, David Profirio do Rozasrio da Silva, dehan hafoin remata enkontru ho Xefe Estadu iha Palásiu Prezidensiál, Bairru-Pité, Kuarta (10/08).

ADVERTISEMENT
SCROLL FILA BA NOTISIA


Lee Mós :
China apoia Gabinete da Esposa do PR com 15 mil dólares

Nia dehan, atividade ne’e rasik sei halo iha Kristu Rei, iha loron 03 to’o 04 fulan Setembru, tanba ne’e aproveita oportunidade ida ne’e, informa ba joven sira hotu ne’ebé iha talentu no iha kreatividade bele mai hamutuk hatudu talentu, no matenek kona-ba motor nian, hodi anima populasaun sira.

“Objetivu husi kompetisaun Motor Bike ne’e, atu impoin ba joven sira, no dada sira husi hanoin ne’ebé nakonu ho konflitu, atu bele uza oportunidade ida ne’e, hodi hasa’e sira an husi hanoin sira ne’ebé la di’ak, no interese sira ne’ebé lori sira ba konflitu,” nia relata.

Lee Mós :
Komemora Loron FALINTIL, Falur Ho Jenerál Portugal Hasoru Malu

Tanba ne’e, eventu Motor Bike atu halibur joven sira hotu hodi haluha tiha konflitu no buat sira ne’ebé hafahe joven sira.

Alende nia informa tan katak, rejistrasaun ba eventu Motor Bike 2022, sei hahú iha loron 29 fulan Agostu to’o 02 Setembru.

Lee Mós :
Hakarak Hadi’a Sistema Saúde, Rui Paulo Hasoru PR Horta

Iha eventu ida ne’e mós sei iha partisipasaun husi motor bike Indonézia liu-liu Nusa Tengara Timur (NTT), atu bele habelun di’ak liu tan amizade, entre nasaun rua liu-liu ba foinsa’e sira.

“Lia menon husi Prezidente Repúblika, José Ramos Horta, katak apoiu tebes eventu ida ne’e, tanba eventu ida ne’e, sei halibur joven sira ne’ebé iha talentu ba Motor Bike,” nia hakotu.

 2,519 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komemora Loron FALINTIL ho Atividade Motor Bike…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No