DILI (timorpost.com)—Kompañia Timor Resources no Timor Gás no Petróleu, Empreza Públika (Timor GAP, E.P), asina kontratu fahe produsaun (KFP) ba bloku A no C, (Onshore) iha Kosta Súl.
Prezidente CEO Timor GAP, Rui Soares, hatete, serimónia asina kontratu fahe produsaun (KFP) ba bloku A no C, (Onshore) iha Kosta Súl hanesan maneira ida rezolve dezentendimentu ne’ebé kompañia rua iha pasadu.
“Iha asina kontratu fahe produsaun ba bloku rua A n C ne’e empreza kontinua atividade perfurasaun ba mina-matan iha parte Kosta Súl entre Manufahi (Betanu)-Covalima nian iha tempu badak”. Dehan Prezidente CEO Timor GAP, Rui Soares, ba jornalista sira iha Timor Plaza, Kinta (02/05/2024).
Nia haktuir, serimónia ne’e ANPM konvida kompañia no investidór poténsia ba mina no gás bainhira iha interese bele halo parseiru (joint venture) ho TIMOR GAP no Kompañia Timor Resources atu hala’o esplorasaun produsaun (KFP) ba bloku A no C, (Onshore) parte Kosta Súl iha futuru.
“Atu halo perfurasaun ne’e karun, ne’ebé tenke atrai ema seluk mai tau osan hamutuk para bele halo perfurasaun ida ne’e iha bloku eskluzivu nian”, katak. Bloku rua ne’e hahú iha 2017, halo peskiza jeolójiku sira no estudu sira seluk no iha Outubru 2018 hala’o teste sízmiku sira iha Bloku A. Empreza uza ona sistema vibroseis, alternativu ida kontroladu hosi teste sízmiku sira. No Bloku C hala’o ona teste sira iha Outubru iha zona Betanu (entre Alas ho Hatudu) no teste vibroseis sira”. Nia rekomenda.
“Infraestrutura bázika importante tebes, ne’ebé ami-nia parseiru Timor Re-sources ko’alia ona bele prodús lalais iha tinan ida ou rua nia laran kuandu haree ba pozitivu contain mina”, haktuir.
Nia dehan, planu atuál haree ba perfurasaun tolu to’o lima iha Bloku A. Ida-idak hosi perfurasaun tolu iha ‘shallow-field’, to’o metru 2.000, sei kusta dolar millaun $35.
TIMOR GAP no empreza Timor Resources tinan ne’e hahú hala’o perfurasaun dahuluk sira iha fatin tolu to’o fatin lima hosi bloku ida ne’ebé maka iha lisensa hodi halo esplorasaun ho produsaun petróleu nian iha Timor-Leste.
Autoridade ne’e dehan, daudauk ne’e identifika ona fatin tolu iha Bloku A hanesan fatin posivel sira ba perfurasaun sira ne’ebé hein hodi hahú iha tinan ne’e.
Bloku A iha Munisípiu Kovalima ho Maliana no Bloku C iha Munisípiu Manufahi ho Ainaru ne’ebé halo parte ona, iha rejime hosi Kontratu sira Partilla hosi Produsaun nian (PSC), ba Timor Resources Pty Ltd, empreza australiana ida ne’ebé halo parte hosi Nepean Group.
Iha fatin hanesan, Ministru Petróleu, Francisco da Costa Monteiro, hatete agradese ba empreza rua TIMOR GAP no empreza Timor Resources disponivel ohin bele asina kontratu fahe produsaun (KFP) ba bloku A no C, (Onshore) iha Kosta Súl.
“Ita agradese tanba empreza TIMOR GAP no empreza Timor Resources disponivel ohin bele asina kontratu fahe produsaun (KFP) ba bloku A no C, (Onshore) iha Kosta Súl no tinan ne’e hahú halo estudu peskiza depois hahú perfurasaun ba produsaun mina no gas”. Ministru haktuir.
Ida ne’e prosesu ida la’ós ke fasil, maibé presiza dunik tempu naruk, maibé ohin hahú realiza asina kontratu ho empreza rua ne’e atu hahú produsaun no perfurasaun ba bloku rua A no C.
Governu liuhosi Timor GAP, E.P halo kontratu ho Timor Resources hanesan empreza operadór, ne’ebé hatuur katak iha faze explorasaun ne’e finansia totalmente hosi empreza operadór maibé bainhira tama ona iha faze produsaun maka Governu bele investe ka tau osan liuhosi Timor GAP, E.P.
Bazeia ba kontratu komersiál, bainhira Timor Resources halo explorasaun ho despeza liu millaun $55, Timor GAP, E.P tenke tama ona ho partisipasaun, maibé tanba la akontese no mosu dezentendimentu entre parte rua maka Timor Resources deside hapara atividade perfurasaun no sobu ekipamentu iha área perfurasaun posu Lafaek suku Labarai, postu administrativu Suai, munisípiu Covalima, nune’e bele rezolve problema.
1,617 total views, 6 views today
Bele hare Video Seluk :
Subscribe to Timorpost
