DILI (timorpost.com)—Parlamentu Nasional (PN) liu hosi Komisaun D ne’ebé trata ba asuntu Dezenvolvimentu no Ekonomia, tuir planu sei halo fiskalizasaun ba servisu husi AIFAESA, relasiona ho sasán-nia folin iha merkadu.
“Ami deside ona katak tempu badak, sei tun ba terenu hodi haree AIFAESA nia servisu, másimu ka la’e kontrola sasán sira-nia folin iha merkadu,” Presidente Komisaun D, Ricardo Baptista, hatete ba jornalista sira iha Parlamentu Nasionál, Kuarta-feira (06/09/2023).
AIFAESA, mak instituisaun estadu ida ne’ebé nia knar mak atu halo Inspesaun ba sasán-nia folin iha merkadu no poténsia manipulasaun ba presu.
“Esperiénsia husi vítima balun, ne’ebé ba merkadu sosa sasán, dehan halo manipulasaun ba sasán nia folin. Ida ne’e mak ema barak tau ba kestaun,” nia dehan.
Atu defende direitu konsumidór no hapara manipulasaun sasán-nia folin, AIFAESA tenke kontrola didi’ak merkadu sira, liuhusi implementa Dekretu Lei, hodi fó sansaun ba atestidu.
3,711 total views, 3 views today
Bele hare Video Seluk :
Subscribe to Timorpost
