Dili (timorpost.com)—Prezidente Repúblika (PR) José Ramos-Horta, hasoru malu ho Diretora-Jerál Millennium Challenge Corporation (MCC), Alice Albright diskute kompate apoiu dezenvolvimentu nasionál iha Timor-Leste.
Sorumutu Xefe Estadu Jose Ramos Horta ho Diretora-Jerál Millennium Challenge Corporation (MCC), Alice Albright hala’o iha Otél Harvard Club, Nova Iorke.
Durante sorumutu Prezidente Ramos-Horta no Albright diskute kona-ba MCC nia kompaktu tokon $450 ho Timor-Leste, ne’ebé asina ona iha 2016.
“Kompaktu ne’e dezeña atu apoia prioridade dezenvolvimentu Timor-Leste nian, inklui hadi’a infraestrutura, hametin governasaun, no promove kresimentu ekonómiku”. TimorPost nota husi PR iha diskusaun ho Diretora-Jerál Millennium Challenge Corporation (MCC), Alice Albright, Kinta (21/09/2023).
Prezidente Ramos-Horta hato’o nia apresiasaun ba MCC nia apoiu no reforsa kompromisu Timor-Leste nian atu implementa kompaktu ne’e.
Iha fatin hanesan, Albright kongratula Timor-Leste ba progresu iha implementasaun kompaktu ne’e no hato’o nia konfiansa katak Timor-Leste sei kontinua atinje ninia objetivu dezenvolvimentu.
1,335 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![PR Horta ho Alice Albright Diskute Apoiu Dezenvolvimentu TL](https://timorpost.com/wp-content/uploads/2023/09/diskute.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)