DILI—Ministériu Negósiu Estranjeiru no Kooperasaun (MNEK) liuhusi Embaixada Timor Leste iha United Kingdom (UK) rekolla hotu ona dadus kona-ba timoroan ida ho naran Luciana Viviana da Silva (58) mate iha Irlanda Norte, iha loron 3/05/2020.
Hafoin rekolla dadus kona-ba motivu husi Luciana nia mate, parte Embaixada relata ba MNEK iha DIli no entrega ona ba Sentru Integradu Jestaun Krize (SIJK) mak sei fó sai ba públiku.
“Sim (dadus) iha tiha ona loron rua liu ba. Maibé entrega ba sentru krize. Só sira maka bele ko’alia,” fonte krideivel husi MNEK haktuir ba Timor Post, Domingu (10/05/2020).
Informasaun antes ne’e haktuir, Luciana mate tanba deskonfia hetan moras pneumonia ho COVID-19.
Matebian durante ne’e servisu iha Moypark, hela iha 70 Woodburn Crescent, Dungannon, Irlanda Norte. (cao)
805 total views, 3 views today
Bele hare Video Seluk :
Subscribe to Timorpost
