DILI (Timor Post) – Parlamentu Nasionál (PN), preokupa ró Berlin-Ramelau ho Nakroma, la halo viajeiru hosi Dili ba Oe-kusse, tanba kondisaun ladún estavele.
Deputadu hosi bankada CNRT, Domingos de Carvalho, hatene Rò Berlin-Ramelau dehan ba halo manutensaun iha Indonézia, dehan kondisaun di’ak ona atu lori mai halo viajen, maibé dadaun ne’e ró rasik laiha no ró Nakroman mós dehan kondisaun ladún di’ak.
“Ha’u hanesan Membru Parlamentu ne’ebé reprezenta povu husu ba Ministériu Transporte no telekomunikasuan (MTT) ho Aportil, atu aselera lalais preokupassaun sira ne’e,” nia hateten iha PN, Kuarta (31/08).
Nia dehan, kondisaun ró dehan halo manutensaun atu mai iha Timor-Leste mak demora to’o agora.
“Ita-nia populasaun hosi Oe-kusse preokupa demais ho kondisaun sira ne’e, tanba ne’e mak husu Ministériu relevante sira atu aprosima lalais ba desizaun sira ne’e hodi nomaliza viajen”, Nia hateten.
Nia hatutan, Ministériu relevante sira durante ko’alia dehan ró refere halo manutensaun no kondisaun di’ak ona hodi mai halo viajenta hosi Dili ba Oe-kusse, Atauru hanesan ban-bain, maibé realidade hatudu katak rò daudaun ne’e seidauk di’ak.
Nia infoma, manutensaun rò refere iha Indonézia, daudaun ne’e paradu, tanba verifikasaun ba akompañamentu rò iha Surabaya to’o agora sira mós halerik hela tanba osan laiha, ida ne’e mak problema ba manutensaun ró seidauk di’ak to’o agora.
Kondisaun entre ró rua ne’e ho kondisaun ladi’ak atu tula pasajeirus hosi Dili ba Oe-kusse no Atauri, liuliu ró berlin Ramelau, foin daudauk hetan soke, nune’e dehan ho kondisaun di’ak ona, maibé seidauk halo manutensaun.
Parlamentu Nasionál mós sei ba haree ró refere hodi Ko’alia ho Governu bele buka solusaun lalais ba ró nia problema hodi labele difikulta movimentu no mós labele fó ameasa ba pasajeiru nia vida.
Nia afirma, prosesu Aportil nian, dehan mina laiha, nune’e labele halo viajen, atu tula pasajeirus sira hosi Dili ba Oe-kusse no Atauru.
Nia informa, orsamentu kada tinan-tinan sempre aprova ho rihun 600 USD, atu kobre ba halo manutensaun ba kondisaun rò sira nian, maibé mai ho razaun katak dehan osan laiha atu halo manutensun ba kondisaun ró sira nian, entaun ne’e failla hosi parte Mimistériu Transporte no Komunikasaun ho Aportil rasik.
1,899 total views, 3 views today
Bele hare Video Seluk :
Subscribe to Timorpost
