Dili (Timor post.com)—Diretór Nasionál Seguransa Alimentár iha Ministériu Agrikultura Peska Pekuária no Floresta (MAPPF), Cesar Jose da Cruz, preokupa ho Númeru Mal-Nutrisaun Kontinua a’as.
Nia haktuir, Komemorasaun loron Ai-han Mundial, 16 Outubru 2023 hanesan loron importante ne’ebé kada tinan Governu Timor-Leste, Sempre komemora organiza husi KONSSANTIL. Tanba saida mak problema mal-nutrisaun nafatin aas iha teritoriu ne’e.
Tanba ne’e ohin kria diskusaun ida hodi akumula idea oinsa mak tau hamutuk hanoin ba komemorasaun loron ai-han mundial saida mak presiza halo hodi redus mal-nutrisaun iha rai laran.
“Ohin ne’e reuniaun preliminaries atu tau hamutuk hanoin kona-ba tema ou sub-tema atividade saida mak atu hala’o iha selebrasaun ne’e”, nia haktuir ba Jornalista Sira iha Salaun MAP Komoro, Kinta-Feira (21/9/2023).
Ohin konvida mós liña ministerial sira inklui ajénsia lokál no internasionál atu bele tau hamutuk ideia nune’e Ita bele komemora loron Ai-han mundiál.
Nia dehan ko’alia kona ba nutrisaun iha mundu liu-liu iha Timor-Leste sempre liga ba seguransa ai-han ou four safety sai preokupasaun ba MAP no mós liña ministériu hotu iha hanoin hamutuk hodi resolve mal-nutrisaun.
“Problema Mal-Nutrisaun hahú inisiu inan sira ne’ebé ko’us, bainhira sira ko’us presiza sira nia nutrisaun liu-liu susubeen inan nian tenke konsumu ai-han ne’ebé mak di’ak hodi bele fó susu ba sira nia oan ida ne’e ba to’o tinan 5”. Nia haktuir.
Atu redús Mal-nutrisaun iha Timor-Leste ne’e iha factor barak, Primeiru Ita hare kona-ba mudansa klimátika, Segundu hasae produsaun Liu husi irrigasaun di’ak tenke uza sistema pratika agrikultura ne’ebé di’ak, infraestrutura iha buat barak ne’ebé mak ko’alia kona-ba Mal-nutrisaun.
Mal-nutrisaun la signifika hamlaha hahán la iha maibé konsumu ne’e Mak la tuir de’it ne’e nia proteína, carbohydrates, kordura no mineral,
“Inan-aman presiza prepara ai-han sira ne’e atu hadi’a Mal-nutrisaun atu ita bele atinje iha 2030”. Hakotu.
615 total views, 3 views today
Bele hare Video Seluk :
Subscribe to Timorpost
