PR Husu Governu Muda PITSA Pantai-Kelapa

Timor Post - Dili · Ekonomia · Internasional
  • Share
Stasiun Permanina Internasional (PITSA) Pantai-Kelapa. Imajen Esp.

(Reportajen Cardenio Alves/Asistente Editor Hermenegildo da Costa Tilman)

Dili (Timor Post)—Haree ba kondisaun povu no nasaun nian Prezidente Repúblika (PR) José Manuel Ramos-Horta, husu ba parte Governu atu muda Pertamina Internasionál Timor S.A (PITSA)  husi Pantai-Kelapa bá munisípiu seluk tanba kuaze tinan 20, la iha mudansa ba fatin seluk.

ADVERTISEMENT
SCROLL FILA BA NOTISIA

“Pertamina Internasionál Pantai-Kelapa ne’e tenke muda, tanba bainhira iha kapitál besik tan ita nia embaixada barak no komunidade barak mak hela besik iha ne’ebá, se bainhira akontese buat ruma se mak atu toma responsabilidade ba ida ne’e, tanba ne’e Pertamina rasik tenke muda no buka fatin ba area ne’ebé fó seguru ba Pertamina ne’e, hanesan iha area Likisá nian” Hatete Prezidente Repúblika, iha Salaun Luz Clarita Dili, Tersa, (14/06).

Lee Mós:
Tenke Investe Iha Setór Produtivu

Nia afirma, uluk ha’u nia tempu, nu’udar Ministériu Negósiu Estranjeiru, ha’u bolu reprezentante Pertamina hodi ko’alia kona-ba oinsá lori Pertamina ne’e muda ba iha Likisá maibé realidade to ohin loron seidauk muda”,

“Ha’u, nunka hare iha mundu katak depózitu bo’ot kona-ba mina mai iha fali sidade laran, tanba embaixada sira mós besik, liu-liu komunidade sira, bainhira buat balun akontese se’e los mak responsabiliza”. Nia hateten.

Lee Mós:
Aban, Bainaka VIP Tama Timor Leste

Nia dehan, Petro Station ka Estasaun Mina ki’ik sira de’it iha kapitál laran mós ita kuidadu aan, maibé depózitu bo’ot hanesan Pertamina internasionál, tanba ne’e  presiza muda ba iha fatin sira ne’ebe komunidade la iha no seguru ba Pertamina atu halao nia negósiu.

“Ha’u sei enkontru ho Primeiru Ministru, no liña governamentais sira, hodi hare asuntu ida ne’e, atu bele foti desizaun ida ba kondisaun Pertamina refere muda ba fatin seluk, atu nune’e la sai ameasa mai nasaun no povu sira”.

Lee Mós:
Governu Rai Fundu Ketak Ba Ema La’ós Veteranu  

Nia haktuir, tinan ruanulu ona, maibé seidauk iha Governu ida mak deside kona-ba asuntu ida ne’e, tanba kondisaun ne’e perigozu, karik buat balun akontese, nia implikasaun mai iha nasaun, ida ne’e presiza governu nia atensaun. Nia hakotu (Lee Notísia Seluk Iha Jornál Timor Post/ Asesu You Tube Timor Post)

 257 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Husu Governu Muda PITSA Pantai-Kelapa” A few seconds ago
  • Share

Notisia Timorpost Seluk


Komentariu :
Timorpost.com sangat menghargai pendapat Anda. Bijaksana dan etislah dalam menyampaikan opini. Pendapat sepenuhnya tanggung jawab Anda sesuai UU ITE.

error: