Dili (timorpost.com) — Governu Japaun liuhusi nia embaixada servisu hamutuk ho Ministériu Edukasaun, Juventude no Desportu (MEJD), no Ministériu Solidariedade Sosiál no Inkluzaun (MSSI), asina kontratu kona-ba fundu asisténsia ba projetu komunitariu seguransa umana ka Grant Assistence for Grassroots Human Security Projects (GGP).
Fundu asisténsia ne’e válidu ba Postu Administrativu haat hanesan Likisá Villa (Likisá), Soibada (Manatutu), Laleia (Manatutu) no Railaku (Ermera).
Atividade refere realiza iha Embaixada Japaun iha Timor-Leste, Rua Avenida de Portugal, Praia dos Coqueiros, Tersa (07/03/2023).
Projeta ba Konstrusaun Sentru Formasaun ba Ema ho Defisiénsia Matan iha Munisípiu Likisá ne’ebé sei implementa husi ONG Asosiasaun Halibur Defisiénsia Matan Timor-Leste (AHDMTL).
Projetu ba Konstrusaun Edifísiu Eskola EBCC Nossa Senhora Aitara iha Suku Manlala, Postu Administrativu Soibada, Munisípiu Manatutu ne’ebé sei implementa husi ONG Fundasaun Leobalu.
Projetu ba Melloramentu ambiente edukasionál ba jardín infantíl iha Suku Hatulalan, Postu Administrativu Laleia, Munisípiu Manatutu ne’ebé sei implementa husi Franciscanas Missionarias de Nossa Senhora-Laleia (FMNS).
Projetu ba konstrusaun edifísiu Eskola Primária iha Suku Railaku Kraik, Postu Administrativu Railaku, Munisípiu Ermera ne’ebé sei implementa husi ONG Asosiasaun Foin sa’e Dezenvolvimentu Rural (AFDR). Se
Total orsamentu hosi Governu Japaun ba implementasaun projetu hirak ne’e hamutuk 332,865 USD.
2,051 total views, 6 views today
Bele hare Video Seluk :