ADVERTISEMENT

Xefe Estadu Hakarak Hametin Relasaun Bilateral ho Korea do Súl

Mario da Costa - Internasional
Jornalista : Mariano Abi
Editor : Mário da Costa
  • Share
Prezidente Repúblika, José Ramos Horta, foto hamutuk ho sidadaun Koreanu sira iha Otél Timor, Imajen Esp.

DILI (timorpost.com) — Atu hametin relasaun bilaterál, Prezidente Repúblika (PR), José Ramos Horta, partisipa iha komemorasaun loron nasionál Korea nian ne’ebé hala’o iha Otél Timor no mós tinan 20 relasaun diplomátika entre Timor-Leste no Korea do Súl.

Xefe Estadu, José Ramos Horta, hatete relasaun bilaterál entre Seul no Díli bele aposta ba kooperasaun ekonómika.

ADVERTISEMENT
SCROLL FILA BA NOTISIA


“Relasaun entre rai rua, Timor-Leste ho Korea metin loos, di’ak no ha’u espera hanesan Governu iha Korea, povu iha Korea sira mós kontente relasaun ho Timor no ha’u espera, relasaun ne’e sei aumenta no ba oin ita bele buka hakat ba investimentu para sira bele loke fábrika ruma iha ne’e, kontribui ba Timor nia dezenvolvimentu kontribui ba empregu iha rai laran,” Xefe Estadu, dehan iha Ótel Timor, Kuarta (09/11).

Lee Mós :
Traballadór Na’in-400 Iha Australia Halai Sees Husi Sistema

Tuir nia, relasaun Bilaterál entre nasaun rua sei sólida, tanba Timor-Leste no Korea iha istória ne’ebé hanesan no sofre invazaun oi-oin, maibé interesadu loos atu apoia Timor-Leste.

“Ha’u fi’ar, tanba ohin kalan mós ema kompañia boot mós mai, primeiru kompañia boot iha Korea mak mai, ha’u iha esperansa ké sei aumenta liu-tán relasaun ho Korea do súl, ita-nia joven sira mós kontente estuda língua Koreanu, ha’u espera ké sei bele kontinua ba Korea ba futuru, tanba povu Korea haree istória Timor nian hanesan sira nian,” PR Horta katak.

Lee Mós :
Timoroan Iha Korea Hakmaan Lusiana Ho Oan Na’in-Hitu

Entretantu, hola parte iha serimónia refere, membru Governu, kórpus diplomátikus no mós Kargus Xefia husi liña ministériais, prezidente husi ajénsia autónomas sira, reprezentante husi autoridade defeza no seguransa no seluk tan.

Lee Mós :
Joven Rihun 13 Tuir Ezame Iha Sekretáriu Estadu Formasaun Profisionál no Empregu

Serimónia ne’e, taka ho aprezentasaun kanta múzika tuir kultura Korea nian, aprezentasaun husi grupu Taekwondo Timoroan sira, no mós dansa kulturál suru-boek husi grupu Lejeval.

 2,566 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xefe Estadu Hakarak Hametin Relasaun Bilateral …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No