DILI (timorpost.com)—Traballador Timoroan ne’ebe durante tinan 2017 to’o 2024 servisu iha Banku Rakyat Indonézia iha Timor-Leste (BRI-TL) lamenta tebes aktu deskriminasaun ne’ebe halo husi BRI-TL viola Traballadór nia direitu atu hetan tunganjan hari-raya ou bonus annual iha loron boot sira.
Portavós, Raimundo de Araújo, hatete razaun fundamentu husi aktu BRI-TL refere dehan lei maka la fó dalan.
“Ami Trabalador ne’ebé serbisu iha Banku BRI Timor-Leste preokupa ho situasaun ida ne’e. Tanba ne’e, ami trabalhador Timoroan Banku BRI, hakarak husu tulun no ajuda tebes husi Governu liu-liu Primeiru Ministru, Prezidente Repúblika no Prezidente Parlamentu Nasionál no Governadór Banku Sentrál Timor-Leste, atu haree ba buka solusaun ba problema ne’ebe ami hasoru” Hateten Portavós liu husi karta Konferénsia Imprensa iha Bos Sate Palapasu, Kinta (25/04).
Problema refere kleur tanba ne’e deskriminasaun ba direitu traballador noo sira rasik kontra ona sira nia lema “servi ho laran luak” ho ida ne’e husu BCTL, Governu, Parlamentu Nasional atu buka solusuan ba aktu refere atu nune’e bele iha serieadade ba traballador rasik.
“Ami Timoroan servisu iha Banku BRI husi inisiu 2017 ate adata, ami hetan deskriminasaun makaas tebes husi manajement BRI Timor-Leste hanesan Trabalador timor oan servisu iha tarjetu no presaun nia laran maibé bonus annual so fó de’it ba trabalhador Indonesia. Bonus nebe trabalhador Indonesia hetan maka 5.00 to’o 10.00 USD vezes saláriu,” nia salienta.
Orsamentu tinan-tinan Traballadór Timoroan sempre husu ba iha lansamentu BRI Timor-Leste no resposta ne’ebé sira hato’o maka “lei iha TL la fó dalan ba kompañia estranjeiru atu implementa bonus annual” maibé parte BUMN seluk ne’ebé iha timor, sira hetan direitu kona-ba annual bonus no sira betan tinan-tinan.
“Ho ida ne’e ami sente laran triste tebes tanba ami maka oan no na’in ba rai ida ne’e maibé sai fali hanesan atan ba manajamentu Banku BRI TL,” salienta nia.
1,062 total views, 3 views today
Bele hare Video Seluk :
Subscribe to Timorpost
