DILI (Timor Post)- Ámbitu selebrasaun Aniversáriu ba Dala-10, Telemor halo atividade rood show ka demonstrasaun hodi hato’o sira-nia agradesimentu ba kliente sira tomak.
“Ohin loron ne’e hanesan eventu rood show objetivu mak atu hato’o agradesimentu ba ami-nia kliente sira tomak ne’ebé durante ne’e uza ona ami-nia servisu,” dehan CEO Telemor Tran Van Barg, ba Jornalista sira iha Palsiu Prezidente Repúblika, Ai-tarak Lara, Sesta (22/07).
Nia dehan tan, rood show mós hanesan demonstrasaun hodi hatudu sira-nia komitementu ba servisu atendimentu sira hotu.
Nia mós reforsa tan, ámbitu Aniversáriu Telemor ba dala-10 ne’e sira-nia parte mós kontinua esforsu hodi servisu maka’as ba fallansu sira ne’ebé durante ne’e hasoru.
“Iha tinan 10 ne’e ami presiza hadi’a redi 4G no mós teknolojia sira seluk, no mós atu haree ona ba iha redi 5G, hodi fasilita ba eskola online sira”, hateten nia.
Nia reforsa tan, iha ámbitu Aniversáriu Telemor ba dala-10 ne’e la’ós atividade ida ne’e de’it maibé sei halo mós promosaun ba iha kliente sira, hafoin halo eventu boot iha loron 22 fulan Agostu.
Enkuantu atividade, rood show ka demostrasaun iha ámbitu selebrasaun Aniversáriu ba Dala-10 ne’e realiza iha Palásiu Prezidente Repúblika Ai-tarak Lara, akompaña husi Dram Bad husi Colegio São Miguel, inklui Dili Motor Drak, hahú demonstrasaun no akompana la’o ain husi funsionáriu Telemor husi Ai-tarak Laran to’o iha Timor Plaza.
Fó hanoin mós katak, atividade ne’e hetan seguransa másimu husi Polísia Nasionál Timor-Leste (PNTL), liuliu Unidade Tránzitu Roda Viaria ninian.
1,105 total views, 3 views today
