DILI (timorpost.com)—Mariano “Ameta” da Costa Alves ho naran koñesidu Ameta Atsabe, joven no sidadaun Timoroan husi Munisipiu Ermera Postu Administrativu Atsabe koñesidu ho nia produtu Kafé Organiku Atsabe ne’ebe agora daudauk susesu no semo Lemorai iha Timor inklui Estranjeiru.
Ameta Atsabe joven ida produtivu no kreativu iha vida Buseniss no konsege marka istoria sai empreendedor ne’ebe susesu no hamorin ona Timor nia naran ho produtu “Kafe Organiku Atsabe” ne’ebe nia eziste. Ameta reprezenta produsaun kafé foun iha Timor-Leste.
“Ameta hala’o nia negosiu produtu kafe organiku atsabe husi zero. Iha tinan 2014, Ameta hetan servisu hanesan barista iha kafé local iha Dili, Kafé Letefoho, hodi aprende ba dala uluk kona ba kafé nia espesialidade. Husi ne’e maka marka istoria foun baa meta nian mehi harii kafé organika Atsabe iha tinan 2017”. Sita Timor Post husi nota ne’ebe hakerek husi Cesar Gaio, Kuarta, (24/04/2024).
Ameta hahu nia produtu kafe organiku atsabe ne’e iha estrada ibun Mota Comoro nian iha Novembru iha loron 25, tinan 2023.
Lansamentu ne’e hetan partisipasaun hosi Vise Ministru Turizmu no Komersiu, Nino Pereira, Trade Invest Timor-Leste, DIFAT nune’e mós parseiru dezenvolvimentu sira seluk.
Ameta joven ho nia karakter haraik-an (humble) no ema barak gosta liu nia tamba nia hatene sukat liafuan.
Agora fatin kafetaria ne’ebe ameta iha hetan ameasadu atu lakon tanba tama iha zona eviksaun ne’ebe daudauk ne’e estadu implementa husi SEATOU.
Entretantu, Kafetaria ne’ebe daudauk ne’e iha andar tolu ho kustu renovasaun liu $50.000.
Fatin foun ne’e rasik foin eziste fulan haat halo operasaun. Investimentu seidauk fila foin fulan haat.
Business kiik ne’ebe iha potensia sai boot sem osan korupsaun ou eskada politiku.
Durante ne’e, Nain ba kafetaria Atsabe ne’e seidauk hetan mediasaun husi estadu no seidauk simu notifikasaun ruma maibe derepente de’it parte governu mai aviza atu aruma sasan.
“Tanba ida ne’e, ita hanesan amigo hato’o soliedariedade ba amigo Ameta tanba ho servisu makas hodi harii Kafetaria ho konstrusaun andar tolu ho kustu renovasaun liu $50.000 ikus ne’e hetan ameasa no tenke lakon”. Hakotu.
2,901 total views, 3 views today
Bele hare Video Seluk :
Subscribe to Timorpost
