DILI (Timor post.com)—Negosiante ambulante Julião da Costa Freitas hatete relasiona ho dekretu lei artigu 33/2016 ordenamentu públiku maka husu governu presiza kria kondisaun merkadoria dignu ba negosiante ambulante Nuu iha sidade Dili.
“Bazeia ba dekretu lei artigu 33/2016 ordenamentu públiku, governu bndu negosiante sira fan iha dalan ninin “trotar” leten sidade Dili, ho ida ne’e atu hamenus dezentendimentu entre negosiante ho Governu mak presiza kria merkadu di’ak ida ba negosiante nuu sir iha Dili laran”. Nia haktuir ba Jornalista Timor Post iha Motael, Sesta-feira (08/09/2023).
Nia haktuir, tanba durante ne’e negosiante sira fa’an de’it iha dalan ibun. Autoridade pesoál sira tun sobu hakilar, maibé seidauk prepara fatin dignu ida ba negosiante nuu sira.
“Ita presiza tebes, atu governu kria kondisaun, hanesan merkadoria Nu’u ho dignu ba vida negosiante, nune’e bele faan Nu’u tuir nia fatin.” Nia relata.
Tu’ir negosiante Nu’u Julião hatete, durante ne’e governu Seidauk kria fatin merkadu ne’ebé espesifiku ba negosiante Nuu, entaun ami negosiante sira mai fa’an iha estrada ibun, maibé governu liuhusi autoridade ordenamentu públiku dehan labele fa’an iha estrada ibun sira,
Julião dehan, bainhira governu hakarak muda ami atu labele faan ami nia produtu, liuliu Nu’u iha estrada ibun, entaun estadu rasik mós presiza haree, kondisaun no situasaun ne’ebé ami enfrenta.
Tanba ami ema sidadaun Timor oan, la’os sidadaun husi nasaun seluk mak mai fa’an iha estrada ibun, nune’e husu governu hakarak ami labele faan iha estrada ibun sira, entaun tenke kria kondisaun merkadu livre ida ba ami atu faan Nu’u nian.
Entertantu negosiante ambulante Jeferinu Correia dos Santos, aprofunda, ami negosiante Nu’u, la’os dehan ami faan tu’ir gostu, maibé tanba obrigasaun husi nesesidade moris.
Tanba Nu’u ne’ebé ita fa’an iha estrada ibun, objetivu atu sustenta ba oan sira nia eskola, no mós ba nesesidade uma laan nian.
1,182 total views, 3 views today
Bele hare Video Seluk :