DILI (Timor Post.com)— Eletrisidade Timor-Leste, Empreza Publika (EDTL,E.P.) halo mellora no instala liña tensaun média kabu fibra optical iha Sidade Dili, tanba hetan dezorganizadu presiza asegura ho di’ak.
Tanba unidade distribuisaun iha munisípiu Díli, ita kontinua halo melloramentu ba instalasaun kabu inklui fibra óptika liuliu ba operadores Telekomunkasaun Nasional, hanesan (Timor Telecom, Telkomsel no Telemor), Diretór EDTL, E.P, Paulo da Silva hatete, iha Kaikoli Sesta-feira (15/09/2023).
Tu’ir diretór EDTL, E.P. Paulo hatete, iha poste eletrisidade ne’ebé des-organizadu iha área jardín 5 de Maiu, no iha fatin sira seluk, ita presiza instala ho di’ak, atu bele hetan konfisaun di’ak, liu-liu kabu fibra óptica sira.
“Ita hotu hatene katak, liña eletrisidade maioria komunidade territóriu tomak dependénsia, liuliu liña internet sira, ita presiza mellora no instala didi’ak, atu bele fó fornesimentu no estável ba utilizadora sira iha sidade Dili.” Nia dehan.
Objetivu husi Lina médiu kabu fibra óptica, ne’e ba fiu sira husi internet iha, liuliu TT, Telkomsel, Telemor, atu lina internet bele sai di’ak, no seguru ba komunidade no utilizador sira atu utiliza iha sidade no iha fatin urbanístiku sira.
614 total views, 6 views today
