DILI (timorpost.com) — Sarani sira hotu sei konsentra iha Dioseze inan mak Dili hosi simu vizita Santu Padre Francisco ne’ebé mak mai iha Timor-Leste.
Arsebispu Metropolitana Dili, Dom Virgílio Cardeal do Carmo da Silva, hatete, preparasaun simu vizita amu papa iha Timor-Leste, la’ós uma kreda de’it, maibé Amu Papa nia mai ne’e nu’udar Fe estadu nian, nia reprezenta nasaun ida naran Vatikanu.
Dom Virgílio afirma liutan katak, Nia (Amu Papa) mai ne’e la’ós uma kreda de’it mak atu simu, maibé nia mai nu’udar xefe estadu nasaun ida no nia mai nu’udar igreja universal ninia boot.
“Ne’e duni, iha ekipa rua, ekipa ida ita bolu ekipa igreja, no ekipa ida governu ninian, ne’ebé durante ne’e hala’o ona preparasaun hodi hein posibilidade vizita Amu Papa ninian ne’,” nia hateten.
“To’o agora ita sei hein hela atu konfirma kona-ba data, hanesan preparasaun imi haree rona la’o hela, agora ita he’in nu’udar igreja amu bispu sira foin daudaun enkontru tiha ona, oinsá fahe servisu tun to’o iha parókia sira,” Dom Virgílio hato’o asuntu ne’e hafoin prezide misa Kuarta Feira Sinzas iha Parókia Katedrál Dili, Kuarta (14/02).
“Oinsá ema ida-idak hatene hala’o ninia knar hodi hein, se eventu ne’e akontese ita reza buat hotu bele akontese tuir planu ne’ebé iha,” nia hatutan.
Nia dehan, Amu Papa vizita mai Timor fatin ida de’it, Amu Papa nia la ba hela fali iha Timor Plaza ka nia la ba hela fali iha Hotel Timor, maibé Amu Papa nia fatin mak nunsiatura hakarak ka lakohi nia mai karik nia fatin iha ne’ebá.
“Atu dehan sei iha Timor durante loron hira, ida ne’e mak ita hein hela data ne’e ho loron hirak ne’e, preparasaun la’o importante ita reza amu nia kondisaun,” nia hateten.
“Amu Papa la’ós tinan lima nulu hanesan ha’u, Amu Papa la’ós tinan neen nulu hanesan ita boot, maibé nia agora 87 anos atu halo viajen ne’e, husi agora ba to’o fulan ida mai ne’e fulan hira,” nia esplika.
Tanba ne’e, reza nafatin ba Amu Papa atu Maromak haraik nafatin nia saúde atu planu ne’e bele realiza iha rai Timor, ida ne’e mak ema hotu nia preokupasaun.
Tuir Bispu ne’e, haree ba kondisaun Timor-Leste nian Amu Papa mai fatin ida de’it, hotu-hotu konsentra iha sidade Dili iha dioseze inan, fatin misa mak Tasi-Tolu.
11,637 total views, 3 views today
Bele hare Video Seluk :
Subscribe to Timorpost
