DILI (timorpost.com) – Vise Primeiru Ministru (V-PM), Vatikanu, Arsebispu Edger Pena, hatete sente kontente vizita Museum Rezisténsia Timorense.
“Ha’u kontenete mai vizita fatin istória no rezisténsia Timorense nu’udar arkivu museum”, nia hateten hafoin vizita museum rezisténsia, Kinta (22/09).
Nia dehan, hein katak, fatin ne’e nu’udar museum ba memória rezisténsia Timorense ida ne’e, hosi rekoñese didi’ak ba istória Timor-Leste nian.
Nia hatete, rezisténsia Timorense ba povu ida ne’ebé seidauk hatene istória, ladauk hatene loloos no momoos ba istória sira ne’e, tanba ne’e mak importante liu hanesan Jerasaun Timorense bele hatene nia istória rasik.
“Istória ba rezisténsia sai ba iha fatin museum ne’e, importante, espesifika liu mak bá sira ne’ebé luta, no sakrifisiu ba libertasaun Patria no povu Timorense,” tenik nia.
Nia dehan, lutador ne’ebé luta no sakrifisiu ba nasaun no povu, hodi sosa ba independénsia, direitu demokrátiku, tan ohin povu Timor-Leste sai disfrustadu, ne’ebé sempre mai ho libertasaun independénsia boot.
“Ha’u kontente teb-tebes hodi hatene, rekoñese no verifika ba istória Timor rende nian, no importánsia ba Igreja katólika sira, hodi konsege indepedénsia, liberta no demokrasia ba nasaun Timor-Leste,” nia sublina.
Nia esplika, Estadu Timor-Leste liuhosi Igreja katólika durante iha momentu difísil, libertasaun, momentu funu no mate, to’o agora Igreja katólika akompania nafatin ba povu Timor-Leste iha territóriu latan tomak.
Igreja sempre ba hakbesik, ba komunidade ne’ebé presiza hetan ajudusaun, no mós joven barak ne’ebé hetan sofre ba Libertasaun pátria no povu.
Igreja katólika nunka haluha, ba sakrifisiu sira ne’e nu’udar istória importante ba rezisténsia Timor-Leste nian ohin sai museum, tanba ne’e mak ohin mai vizita no triste no orgullu ba luta tomak.
2,041 total views, 3 views today
Bele hare Video Seluk :
Subscribe to Timorpost
