Dili,(timorpost.com)—Misa Eukarístia Domingu da-5 tempu Páskua nian, atu reza ba ema sira ne’ebé dook husi Maromak, konvida sarani sira atu reflete moris tuir fiar komunidade nian ka moris iha komuñaun nia laran.
Amu selebra misa, Vigariu parokia katedral Dili, padre Ludgerio Martins da Costa, hatete, misa Eukaristia domingu ba da-5 tempu Páskua nian, sarani sira selebra nafatin Jesus Kristu nia Moris sias.
Tanba Kristu mak sai sentru Kristu mak sai hun ne’ebé sarani sira hetán moris hetán forsa hanesan imajen ne’ebé reflete kona-bá ai-hun di’ak, ubas hun di’ak ne’ebé sarani hotu hetán kbiit atu bele fó fuan iha moris iha komunidade nia Kristu nian.
“Ita hasa’e Eukaristia ida ne’e, reza ba komunidade sarani sira nian, reza ba ita nia fiar, reza ba ema sira ne’ebé dook husi Maromak, la koko no la simu fiar ida ne’e iha sira nia moris”, Amu selebrante padre Ludgerio, haklaken ba sarani sira, iha nia ómilia, iha salaun Parókia Katedrál Dili, domingu, (28/04).
Aleinde ne’e, reza ba pas iha mundu, reza ema sira ne’ebé terus no susar, terus tanba la’ós sira nia sala, maibé tanba desizaun sira ne’ebé la lori di’ak ba povu nia moris
Amu lulik ne’e hatete, atu selebra Fe loloos bainhira selebra iha komunidade fiar ninian, tanba ne’e, selebrasaun ohin ne’e, hodi selebra Eukaristia hasa’e ba aman Maromak, katak sakrifísiu fair nia ita hasa’e ba Maromak.
“Ita mai hasa’e iha komunidade igreja nian, fiar sarani nian fiar komunidade nian, balu dehan reza iha fatin de’it katak fiar lansun de’it ba Maromak, ida ne’e lae”, nia hateten.
Maibé fiar ne’e katak tenke selebra no tau matan selebra iha komunidade fiar nian, fiar harii iha ema ida-idak harii iha komunidade fiar nian, tanba ne’e mak ita mai selebra Eukaristia.
Tanba Jesus harii Eukaristia harii sakramentu, Jesus harii nia igreja apostolika sira ne’ebé tau matan ba grasa Maromak nian, ne’ebé fó mai ita sarani sira.
Ho ida ne’e mak husi jerasaun ba jerasaun selebrasaun Eukaristia, maka hanesan sarani agradese ba Maromak, adora Maromak, hahí Maromak no simu Maromak.
Simu sarani nia fiar, haburas sarani nia fiar kaer metin ba Fe hodi Moris nafatin ba Maromak, tanba ne’e ita hotu nu’udar tulun ulun nia na’in tolun malu.
Hanesan baibain nu’udar sarani iha nia orasaun ba Maromak, tanba mak selebrasaun Eukaristia atu hahí Maromak iha fiar sarani nian.
“Hahí ba Jesus atu ita hasai hahalok aat sira toman aat sira, toman baruk nian toman lakohi sakrifika aan nian, dala ruma hatene de’it mak hanoin aat rai ódiu”, bibi atan haktuir.
Tan ne’e buat sira ne’e nu’udar sarani presiza muda, presiza ita nia laran di’ak ba malu, liuhusi laran di’ak atu hatudu ita nia serbí.
Maromak nia hakarak atu o hahalok di’ak Maromak nia hakarak atu ho laran di’ak, tanba iha ne’ebá la’ós o mesak maibé iha Maromak iha ne’ebá.
1,422 total views, 27 views today
Bele hare Video Seluk :
Subscribe to Timorpost
