DILI (Timorpost.com)—Komunidade Musulmanu mundu inklui iha Timor-Leste selebra loron Idul Fitri ba dal-1445, hanesan vitoria ida ba sarani muslumanu sira manan iha funu “hahalok at” durante ne’e liu husi jejum durante loron 30 ohin liberta ona.
Iha loron santu ne’e mos muslumanu iha Timor-Leste hala’o atividade karidade hanesan fo apoiu nesesidade baziku hanesan Mina, Masin, Foos, Masako ba komunidade sira iha Munisipiu neen (6).
Prezidente Fundasaun An-ur, Anuar da Costa, hatete festa Idul Fitri ne’e importante tebes ba Musulmanu iha mundu inklui Timor-Leste, tanba ne’e kada tinan sempre selebra loron ida ne’e.
“Ohin festa Idul Fitri ne’e ba dala-1445, iha selebrasaun festa Idul Fitri ne’e mos sira halo atividade apoiu nesesidade baziku sira ba iha komunidade sira iha Munisipiu sira, hanesan, Dili, Lospalos, Vikeke, Baukau, Manufahi Bobonaru, Likisa,” dehan Prezidente Fundasaun An-Anur, Anuar da Costa ba jornalista sira hafoin ambintu selebrasaun Idul Fitri ba dala-1445 iha Masjid An-Anur Kampu Alor, Kuarta (10/04).
Nia dehan, Osanmentu ne’ebe aloka ba festa Idul Fitri ne’e hamutuk 9 mil ital, osamentu ne’e apoiu husi komunidade musulmanu sira.
“Optimizmu ho festeza loron Idul Fitri tolerasia iha Timor-Leste metin no kapas liutan. Tanba ida ne’e laos ita foin mak hahu, maibe uluk kedas, nune’e mos iha tempu kolonializmu, entre Kristaun ho Islam ne’e la iha konflitu, ida ne’e mak matein nafatin ba oin, atu nune’e desenvolve nasaun ba oin”. Nia salient.
Iha fatin hanesan, Prezidente Konsellu Curador Fundasaun Majit An-Anur Dili Timor- Leste, Hi Abdullah Saida, hatete fulan Ramadan nia laran ne’e, atividade ne’ebe sira halo maka jejum reza ka solat tarawih durante loron-30 nia laran.
“Ita hotu hatene katak komunidade Islamika ne’e, jejum durante fulan ida, ne’e hanesan ita tama iha kampu funu ida, atu nune’e bele hasai ita kapasidade no fee, nune’e ohin loron ita sai hanesan vitoria ida, no mos ohin loron ita tenke kontente Festa Idul fitri ne’e, hanesan guia ida ne’ebe ita komemora ita vitoria durante ita halo funu durante fulan ida mne’e maka jejum durante fulan ida ne’e,” nia esplika.
Tuir nian katak, Timor-Leste ne’e komunidade Islamika ne’e minoria, maibe sira sente katak la iha diskrimina ruma, la signifika katak menus komunidade, tanba selebra Idul Fitri ne’e iha Dili deit, laos iha Dili, maibe iha munisipiu sira mos halo sira moris hamutuk ho komunidade sira seluk, la iha diferente buat ida, liu-liu la iha konflitu ruma kona ba konflitus religiozu, ne’e duni ida ne’e hanesan buat ida diak mak alkansa iha nasaun ida ne’e.
“Tanba durante fulan ida nia laran ami halo ona jejún ne’e signifika katak tinan ida nia laran ami halo sala barak hasoru ema ho ema, entaun, ohin ne’e hamoos ami-nia klamar no hahalok hosi sala, hahú simu fila-fali moris foun,” nia esplika.
1,617 total views, 3 views today
Bele hare Video Seluk :
Subscribe to Timorpost
