Dili (Timor Post Com)—Komunidade Muslumanu iha mundu inklui iha Timor-Leste sei komemora loron loron Idul Fitri ba dala-1445.
Vise Prezidente Musulmanu iha Timor-Leste Abdol Inacio, hatete aban komunidade musulmanu husi munisipiu 6 hanesann Baukau, Vikeke Lautem, Manufahi, Bobonaru Dili, sei komemora loron Idul Fitri ba dal-1445.
“Loron ne’e importante tebes no sai hanesan loron haksolok, felisidade no mos sai vitoria ida ba ami komunidade musulmanu iha Timor-Leste inklui mundu tomak ne’ebe halo sulaf Idul Fitri durante loron 30 nia laran komemora Idul Fitri kontinua sesun durante loron 60″, informa Vise Prezidente Konsellu Nasional Izlamiku iha Timor-Leste Abdol Inacio ba, Timor Post iha nia knaar fatin Masjid-An-Nur Kampu Alor, Tersa (09/04).
Vise prezidente ne’e konta, agora daudaun membru sira halo preparasaun hamoos no fase salaun misit no mos halo preparasaun seluk tan. Tanba ne’e maka husu ba komunidade musulmanu hotu bele partisipa hodi haksolok no mos bele manan vitoria.
Durante ne’e sira hetan apoiu husi estadu hodi realiza atividade Idul ada no Idul Fitri no mos apoiu husi komunidade musulmanu no entidade no lideransa iha relijiaun refere hodi komemora loron importante ida ne’e.
Enkuantu tuir dadus sensu uma kain membru musulmanu iha munisipiu 6 hamutuk rihun lima.
Observasaun jornalista Timor Post asesu iha terenu daudaun ne’e komunidade musulmanu konsentra hamutuk Masjid-An-Nur Kampu Alor balun hamoos uma laran no balun limpeza hodi prepara aban dadeer tuku 7:00 hahu komemora loron imprtante ida ne’e.
1,116 total views, 3 views today
Bele hare Video Seluk :
Subscribe to Timorpost
