DILI (timorpost.com) — Asosiasaun ba Nasaun Sudeste Aziátiku (ASEAN sigal Ingles), eziste ho Deklarasaun Bangkok, ne’ebé asina iha loron 8 fulan Agostu Tinan 1967, liuhusi paíz fundadór 5 hanesan Filipinas, Indonézia, Malázia, Singapura no Tailândia.
Mosu tiha hafoin luta ba poder iha Indonézia (1965-1966) no iha plena faze ba intensifikasaun funu Vietname nian, ASEAN mosu tan hanesan aliansa polítika ida ba “Komunizmu” (liuhusi konstituisaun ida “kordaun sanitáriu” haleu Vietname tomak) duké hanesan asosiasaun ida ho pretensaun ekonómika.
Maibé, deklarasaun ne’e la husik atu subliña, husi nia objetivu prinsipál ida hakarak hamoris lalais nia ekonomia rai ne’ebá nian liuhusi kooperasaun ho paíz sira seluk.
“Horsehik ita simu notísia di’ak Timor-Leste atu tama ASEAN,” Prezidente Repúblika (PR), José Ramos Horta, nia diskursu iha Seremónia Selebra loron Masakre Santa Kruz, iha Semitériu Santa Kruz Balide, Sábadu (12/11).
Xefe Estadu, haktuir bainhira nia ba iha Jakarta hasoru Adam Malik, ko’alia ho nia iha momentu ne’ebá, esplika ba nia katak, Sidadaun Timoroan nia mehi no hakarak tama ba ASEAN kuandu Timor-Leste hetan Independénsia.
“Horsehik simu informasaun dehan ASEAN prontu simu Timor-Leste ne’e signifika saida, ita-nia ekonómia sei haksoit ba oin makaas, maibé ita aproveita mak ne’e, tenke dame, laiha violénsia, segundu ita tenke estuda hela de’it,” PR Horta hakotu.
3,402 total views, 9 views today
