ADVERTISEMENT

Sobrevivente Rubinha Husu Juventude Labele Ódiu Malu

Mario da Costa - Jeral
Jornalista : Ermelinda Caet
Editor : Mário da Costa
  • Share
Sobrevivente, Rubinha da Conseição de Araújo, Sábadu (12/11), Imajen TP/Ermelinda Caet

Dili (timorpost.com) – Iha ámbitu komemorasaun loron Masakre Santa Kruz, 12 de Novembru ba dala XXXI, Sobrevivente, Rubinha da Conseição de Araújo, husu Juventude kaer metin espíritu nasionalizmu juventude loriku asu-wain sira nian iha tinan 1991.

“Ha’u-nia fé, esperansa ba futuru liuliu ba joven sira ohin loron ita hetan ona liberdade husi inimigu sira, ha’u husu ba imi hotu kaer metin espíritu nasionalizmu ida ne’ebé juventude loriku asu-wain sira halo iha tinan 1991″, nia hateten iha semitériu, Santa Kruz, hafoin serimónia kari ai-funan, Sábadu (12/11).

ADVERTISEMENT
SCROLL FILA BA NOTISIA


Nia dehan, Juventude sira uluk la haree ba lorosae ka loromonu ka diferente relijiaun, maibé sira iha objetivu ida de’it hakarak ukun rasik an.

Lee Mós :
FRETILIN ho PLP Rekoñese La Prienxe Maioria Parlamentar Maibé Defende Estabilidade Governativa

Mate restu ne’e, hatutan husi juventude loriku asu-wain ne’ebé brani fó sira-nia isin ba bala musan, mak ohin loron hetan país ida demokrátika soberanu no independente.

Nia mós hato’o, agradesimentu ba maromak matiris, saudozu no saudoza sira hotu ne’ebé sakrifika ona sira-nia an ba rai ida ne’e hahú husi tinan 1975 to’o 1999, iha ne’ebé ohin loron Timor hetan Independénsia.

“Ha’u-nia agradesementu ba Maromak, beiala sira no martiris libertasaun, saudozu no saudoza sira ne’ebé mate iha tempu okupasaun Indonézia husi tinan 1975 to’o 1999, tanba liuhusi sakrifisiu libertadór ne’ebé nakonu ho espíritu no aten barani husi sira ohin loron Timor nakfilak ba Repúblika Demokrátika Timor-Leste (RDTL)”, nia hatutan, “Ha’u husu ba imi hotu labele odiu malu demais ita hotu mesak Timoroan, husi oportunidade ida ne’e hanorin ita hotu kria unidade hahú husi família, viziñu no mós iha aldeia laran”, nia hameno.

Lee Mós :
Diretores de escolas públicas preocupados com suspensão das atividades letivas

Sobrevivente 12 de Novembru ne’e, haktuir Timor-Leste nia soberania hanesan ho Amérika ho nasaun Europa sira seluk, iha nai ulun ne’ebé iha prinsípiu ba liberta povu no liberta patria.

Nia konta, durante Indonézia nia militár sira kobre territóriu Timor laran tomak, hamosu violasaun ne’ebé ho Irresponsabilidade ba sira feto Timor, hodi hamonu dignidade moralidade iha públiku nia oin, maibé ho ran no ruin ne’ebé naklekar hetan independénsia.

Lee Mós :
Governu Daualu Entre Moris no Mate, Laiha Dalan ba Alterasaun Lei Estruturante

“Buat ida ne’ebé halo ha’u haksolok tebes mak, sakrifisiu ida nakonu ho boa vontade hosi juventude loriku asu-wain sira la saugati de’it, maibé ita alkansa duni objetivu ukun rasik an”, nia hakotu.

 1,005 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sobrevivente Rubinha Husu Juventude Labele Ódiu…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No