SYDNEY (timorpost.com)– Mane ida, uza naran falsu, fó ninia esperma ba komunidade LGBTQ ninia inan-aman sira iha Austrália. Asaun ne’e halo nia sai ona aman ba oan hamutuk na’in-60 resin.
Prátika ne’e halo hasoru ema barak bainhira inan-aman sira hosi komunidade LGBTQ (lézbika, gay sira, biseksuál sira, transjéneru sira no Queer) hasoru malu iha eventu ida no haree sira ninia oan hanesan.
Sira hahú tama iha kontatu ho instalasaun lokál sira IVF (In Vitro Fertilization) hodi investiga. Mane ne’e, la fó sai mós ninia identidade. Nia uza pseudónimu haat ne’ebé la hanesan hodi ajuda ninia esperma.
Anne Clark, hosi Fertility First, hatete ba News Corp katak, mane ne’e ba iha nia klínika dala ida. Maibé, mane ne’e oferese ona nia serbisu sira liuhosi dalan la ofisial oi-oin hanesan liuhosi grupu sira iha Facebook.
“Ami hatene katak nia simu prezente, feriadu – sira ne’e hotu hanesan hahalok kriminozu”, Clark hateten, tuir sitasaun hosi The Independent, Tersa-feira (21/02/2023).
Iha Austrália, tuir Lei Tesidu Humanu nian, hanesan ilegál ba ema ida ne’ebé fa’an ka troka órgaun no tesidu sira hodi prezente ema seluk. Maibé, pájina Facebook nian nakonu ho postajen sira hodi husu doasaun informal.
Iha Reinu Unidu, tuir Autoridade Fertilizasaun no Embriolojia Humana (HFEA-sigla English), hanesan ilegál katak doadór sira esperma nian simu pagamentu hosi sira nia doasaun.
Sira bele simu iha másimu $35 tuir vizita ida ba klínika hodi selu sira nia despeza. Sira bele reklama folin ida aas liu bainhira sira nia viajen, akomodasaun ka krexe aas liu valor ne’e.
HFEA mós hatete katak doasaun esperma ba ema ida bele uza entre família 10. Laiha limite ba númeru hosi oan sira ne’ebé bele moris iha família ida-idak, no doadór sira bele deside hamenus nia limite hosi doasaun ba família.
2,022 total views, 3 views today
Bele hare Video Seluk :
Subscribe to Timorpost
