DILI (timorpost.com) — Primeiru Ministru (PM), Kay Rala Xanana Gusmão, afirma, Governu seidauk nomeia Prezidente Autoridade Rejiaun Administrativa Espesiál Oekusi Ambenu (RAEOA), tanba sei prepara hela lei organiku, tanba organiku la’ós nonook asina de’it, maibé tenke deskute.
Xefe Governu ne’e esplika, Prezidente Autoridade RAEOA seidauk bele halo nomeiasaun, tanba semana ikus mai ne’e, haree ona atu muda.
“Ami iha buat barak atu halo, orgánika tenke diskute hodi haruka atu haree fali, ne’ebé agora semana ikus sira mai, atu haree ba RAEOA tenke muda,” Xanana informa ba Jornalista sira, hafoin enkontru ho Xefe Estadu iha Palasiu Prezidensiál, Bairu-Pité, Sesta (15/09).
“La’ós tanba ha’u Primeiru Ministru ona lori mai taka matan hodi asina de’it, hodi haruka ba Xefe Estadu lae, buat ne’e lori tempu, maibé fasil ida iha loron rua de’it ha’u asina hotu mai Xefe Estadu asina iha oras ida de’it, públika hotu tiha ona”, nia hateten.
Tanba sá mak tenke haree no haruka fali ba Prezidente Repúblika hodi korrije fali, tanba diskusaun iha Konsellu Ministru la’ós ba atu haree malu, atu ba diskute hodi haree sala sira, nune’e buat ida ne’e mai, hasai fali hatama fali iha ninia mandatu ne’e. Ida ne’e kontra fali ida ne’ebá presiza korrije tanba ema la perfeitu, halo kleur teb-tebes tanba husi Orsamentu Retifikatvu mai ho de’it KM no lei organika, sei iha lei indultu no lei amnestia.
Nia hatete, lei ne’ebé Governu anterior estraga tiha, sistema tributáriu, tanba lei ne’e la’ós to’o ba ne’ebá, Xefe Governu taka matan asina, maibé diskute to’o iha ne’ebé mak bele husik, to’o iha ne’ebé tenke korrije.
Dala-ruma Konsellu Ministru deskute to’o oras tuku lima-ne’en, tanba ne’e, la’ós buat halimar ida. Ida nonook ne’e mak sei estraga tiha lei, maibé la hatene.
1,431 total views, 6 views today
