Dili, (timorpost.com)—Traballador Timoroan hamutuk 32 asina deklarasaun ho Sekretáriu Estadu Formasaun Profisionál no Empregu (SEFOPE), molok arranka ba Australia.
Xefe Departamentu Dezlokasaun Traballadór Alarico Fernades, agradese ba Governu Australia liu-husi empregadór sira iha Australia ne’ebé nafatin rekruta joven Timor-oan sira ba servisu hodi bele redus númeru dezempregu iha Timor-Leste.
“Traballadór ne’ebé mak ohin asina deklarasaun kompostu husi parte rua tuan hamutuk 21 no foun 14 ne’ebé sira sei ba servisu iha kompañia tolu iha Australia. Husi total traballadór 32 iha feto 9 no mane 21”. Nia dehan ba jornalista sira iha salaun Excelsior Resort, Pante Kelapa, Tersa (16/04/2024).
Nia afirma polítika Governu ni’an, haruka joven Timor-oan ba servisu iha Australia atu bele manan osan, hetan esperiénsia foun husi ema nia rain, nune’e fila mai bele dezenvolve ita nia nasaun sai hanesan pais sira seluk ne’ebé dezenvolvidu iha mundu.
Aleinde ida ne’e traballadór Ronaldo Pereira hatutan, “ha’u sente orgullu ho oportunidade ida ne’e tanba oportunidade ne’e la’ós ba ema hotu liu husi esforsu no sakrifísiu lubuk ida bele hetan oportunidade di’ak ne’e hodi ba servisu iha Austrália”.
Nu’udar traballadór no reprezenta estadu ida ne’e ba servisu iha Austrália hodi sustenta ekonomia uma laran no mós ajuda selu alin sira nia eskola.
Nia akresenta, oportunidade ida ne’e sei prosesu tinan haat iha Austrália ho tempu ne’ebé mak naruk tebes, maibé atu aproveita oportunidade ida ne’e tenke hatudu komportamentu, étika ne’ebé di’ak iha nasaun Austrália hodi bele fó dalan ba joven sira seluk ne’ebé hein hela oportunidade ida ne’e.
“Ha’u nia mensajen ba maluk joven sira iha territóriu Timor nafatin esforsu an lalika lakon oportunidade ida ne’e”.
1,215 total views, 3 views today
Bele hare Video Seluk :
Subscribe to Timorpost
