ADVERTISEMENT

SEII Ho Parseiru Lansa Relatóriu Nabilan

Mario da Costa - Jeral
Jornalista : Cardenio Alves
Editor : Asisten Hermenegildo da Costa Tilman
  • Share
Sekretária Estadu Igualdade no Inkluzaun Hamutuk ho Parseiru sira Lansa Relatóriu Nabilan iha Asia Fundation. Kinta 28/07), imajen TP/Cardenio Alves.

DILI (Timor Post) — Sekretaria Estadu Igualdade no Inkluzaun (SEII), hamutuk ho parseiru Instituto Para a Defesa dos Direitos da Crianças, (INDDICA), ho Embaixadora ba Feto no Labarik-Feto husi Australia, (EFLFA), lansa relatóriu nabilan kona-ba violénsia kontra labarik.

“Ita lansa relatóriu nabilan ne’e hatudu violénsia katak violénsia kontra labarik nafatin akontese iha Timor-Leste no hamosu konsekuénsia signifikativa ba adultu sira-nia saúde no bein-estar família rasik”, hateten Sekretária Estadu Igualdade no Inkluzaun, Maria do Rosario Fatima Correia, iha Edifísiu Asia Foundation, Kinta (28/07).

ADVERTISEMENT
SCROLL FILA BA NOTISIA


Nia dehan, Estudu hatudu katak violénsia kontra labarik no violénsia kontra feto iha ligasaun forte ba malu, tanba Violénsia kontra labarik hasa’e risku atu hetan violénsia husi parseiru íntimu no halo violénsia hasoru parseiru íntimu.

“Ita nafatin esforsu hodi prevene violénsia kontra labarik, la’ós de’it hamenus oinsá ita buka alternativu hodi hamenus risku violénsia doméstika iha ita-nia nasaun rasik”, nia subliña.

Lee Mós :
SEII Prevee Osan Rihun 300 USD Hodi Apoiu Feto Sira Halo Negósiu

Tanba ne’e nia dehan, ema hotu hatene, esperiénsia violénsia durante ne’e sei ki’ik mós iha koneksaun ho saúde mental no fízika bainhira sai adultu, tanba Feto sira ne’ebé hetan violénsia durante sei ki’ik iha risku boot liu atu relata laran-susar, defisiénsia no hanoin atu oho an.

Iha parte seluk, nu’udar deputy Team Leader hosi Programa Nabilan, Maria Verónika, hatete feto idade ki’ik probabilidade boot liu atu hetan sintoma depresaun, hanoin atu oho an no sintoma estrese pos-traumátiku.

Nune’e esforsu sira ne’ebé prevene violénsia kontra labarik bele hamosu efeitu pozitivu ba feto no mane sira-nia saúde no bein-estar bainhira sai adultu.

Pratika dixiplina todan reflete kultura ida iha uma laran ne’ebé normaliza dixiplina fízika hasoru labarik no feto sira.

Nia afirma, ema barak hetan violénsia durante sei ki’ik maibé violénsia ne’e bele prevene, liuhosi esforsu sira hodi hapara violénsia iha infánsia molok violénsia akontese, nune’e tenke prioritiza,

Lee Mós :
SEAC pede cooperação ao Grupo Arte Moris 

Esforsu sira ne’e bele inklui adapta programa sira ne’ebé bazeia ba evidénsia no bele prevene violénsia kontra labarik iha fatin sira seluk.

Nia hato’o, hanesan programa ba inan-aman iha uma no liuhosi eskola, projetu edukasaun faze primeira infánsia nian, no vizita ba uma ba inan-aman sira ne’ebé foin iha oan ka bebé.

Tenke halo esforsu hodi fó apoiu ne’ebé apropriadu iha tempu adekuadu ba labarik sira ne’ebé hetan abuzu hodi prevene konsekuénsia negativu bainhira sira sai adultu.

Nia esplika, iha dadus insidente haat mak hanesan, abuzu fíziku, abuzu seksuál ka abuzu emosionál no abandonu.

Mane sira ne’ebé hetan kualkér tipu violénsia durante infánsia iha probabilidade boot liu dala-neen hodi halo violénsia fíziku hasoru nia parseiru íntimu no iha probabilidade boot liu dala-tolu (3) hodi halo violénsia seksuál, bainhira kompara ho mane sira ne’ebé hetan violénsia durante infánsia.

Lee Mós :
Mercado de Manleuana com menos clientes depois do chumbo do OGE

Ba Feto sira ne’ebé esperiénsia ka hetan ona kualkér abuzu bainhira sira sei ki’ik iha posibilidade boot liu dala-Hitu (7) atu esperiénsia ka hetan violénsia fíziku husi sira-nia parseiru íntimu, kompara ho feto sira ne’ebé nunka esperiénsia ka hetan kualkér abuzu bainhira sira sei ki’ik.

Ikus nia dehan, feto sira ne’ebé hetan violénsia durante infánsia iha probabilidade boot liu atu sente laran susar ka depresaun bainhira sai adultu, iha probabilidade boot atu enfrenta difikuldade hodi halo atividade loro-loron, kompara ho feto sira ne’ebé la hetan violénsia durante infánsia.

 1,214 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “SEII Ho Parseiru Lansa Relatóriu Nabilan” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No