DILI (timorpost.com)—Asosiasaun Hak Asasi & Keadilan (HAK) hamutuk aliadu sira komemora loron mate herroi Sander Robert Thoenes nu’udar jornalista Olanda ne’ebé hetan oho husi Tentara no Milísia Indonézia nian tanba hakarak anunsia terus no susar povu Timor nian iha tempu okupasaun Indonesia nian.
Sander Robert Theones ema Olanda mate ho idade 27 tanba hetan oho husi tentara Indonesian no milísia otonomia loron 21/09/1999 iha, Bekora Igreja Sagrada Korasaun de Jesus nia oin.
Hala’o nia kna’ar nu’udar jornalista Timor-Leste iha tempu invazaun husi indonézia atu ajuda luta no fó sai Timor oan nia terus no susar ba mundu internasionál.
Diretór, Hak Asasi & Keadilan (HAK), Feliciano da Costa Araújo, hatete, Iha tempu referendu Sander mai foti dokumentu iha Timor-Leste oinsá atu fó sai mundu situasaun Timor nian, tanba ne’e mak ohin HAK ho Aliadu sira mai komemora nafatin atu memoriza ninia dedikasaun ba Timor nia ukun-an, nia hatete ba Timor Post iha Bekora Igreja Sagrada Korasaun de Jesus, Kinta, (21/09).
“Ha’u hanoin ne’e hanesan referénsia ka esperiénsia ida ba ita nia jornalista sira katak oinsá hatudu dedikasaun ba vida jornalizmu nian”. Nia dehan.
HAK iha ona komunikasaun ho família iha Olanda atu prepara, amu atu fó autorizasaun no parte hotu atu hadi’a herroi nia fatin.
771 total views, 18 views today
Bele hare Video Seluk :
Subscribe to Timorpost
