DILI (timorpost.com)—Prezidente Klubu Re-Lay Laleia FC Feliciano Perpétua Ximenes hatete, Klubu Re-Lay Laleia FC pronto ona atu Kompete Kopa Federasaun Futebol Timor-Leste (FFTL) ne’ebe sei realiza iha Fulan Maiu tinan 2024.
“Klubu Relay Laleia FC pronto ona atu compete iha Kopa FFTL 2024. Agradese ba Estrutura FFTL bele disponiza ona ami atu partesipa iha kopa refere”. Haktuir, Prezidente Klubu Re-Lay Laleia FC, Feliciano Perpétua Ximenes ba Timorpost.com, iha Jinagiu Dili, Kinta (25/04/2024).
Nia informa, Klubu Re-Lay FC eziste tinan lima ona maibe seidauk kompete iha eventu ou kopa nasional sira hanesan ne.e.
“Klubu Re-Lay FC eziste tinan lima ona maibe seidauk kompete iha nivel nasional. Iha momentu 2019, kompete iha terseiru divizaun, ho naran ida Laleia United, mas to agora la iha liga realiza iha terseiru divizaun”. Nia konta.
Ho ida ne’e ami apresia ba estrutura FFTL bele simu ona Klubu Re-Lay FC hodi partesipa iha Kopa Nasional FFTL ne’ebe sei realiza iha Fulan Maiu tinan ne’e.
“Agradese ba iha FFTL tanba bele fo oportunidade mai ho razaun tanba fo prioridade iha primeira divizaun ho segundo divizaun, mais ikus mai klubu tolu ou haat deit mak partesipa no agora livre ou oportunidade ba iha klubu sira neebe mak iha sertidaun notariadu iha estatutu, no sai membru asosiasaun bele partisipa, no husi Re-Lai FC priense rekezitu sira ne’e,”hateten nia.
Nia dehan sira rezistu ona iha loron hirak liu ba, no agora iha faze preparasaun ba jogador sira, laos deit jogador lokal husi postu Laleia maibe kahur ba iha ekipa nee para forti, hodi kompete iha kopa FFTL.
Hakarak informa mos estrutura atu hare liga 3 iha tinan hirak nia laran la lao, iha 2019 to agora de’it, agora ida ne’e segundu divizaun iha klubu 7 ne’ebe sira simu tiha subsidu hodi kompete iha liga, sira nia klasifikasaun nee tun liu, loloos ne’e klubu Sira neebe iha klasifikasaun menus ou tun liu husi ida nee, lolos ne sira tenke degrada, mai iha terseiru divizaun.
Ho ida ne’e husu estrutura FFTL, sebele aselera lalais estrutura FFTL nian, se la iha terseiru divizaun, estrutura FFTL ho estrutura atu hare ba kopa FFTL ne’e sei bele ba klubu maioria husi terseiru divizaun, se bele klubu hira ne’e mak hakat ba iha kuatro finais, foti klubu haat ne’e, bele ba direita iha segundu divizaun.
“Atu nune’e, ami mos bele senti katak dezenvolve futebol ne’e, se lae la iha interese , katak ami lakon ami nia valor no ami nia pontu nee tun too ikus liu mos ami la degrada, ho ida ne’e sira la joga ho interese no vontade katak, sira simu subsidiu nafatin maibe sira la degrada,”dehan nia.
Entretantu, Klubu Re-Lay Laleia FC agora dadaun bem preparado, iha jogador 25 pesoas no dokumentu mos anexu hotu on aba estrutura FFTL no hein kompete de’it.
1,569 total views, 3 views today
Bele hare Video Seluk :
Subscribe to Timorpost
