DILI (timorpost.com)—Klubu Futebol hamutuk 12 daudauk ne’e kompleta ona dokumentu ba Federasaun Futebol Timor Leste (FFTL), hodi partesipa kompetisaun iha Fulan Maiu.
Adjuntu Sekretáriu Jerál Federasaun Futebol Timor-Leste (FFTL), Frederico Martins hatete, daudauk ne’e komisaun simu ona dokumentu no halo ona verifikasaun ba dokumentu husi klubu 16 ne’e.
“Numeiru ne’ebe fixu ami sei fo sai depois ita halo komunika ho klubu sira nune’e sira bele submete dokumentu sira ne’ebe mak antes ne’e fo ona ba klubu ida-idak no ohin ka loron hira ne’e ami tenta kontaktu klube sira ne’ebe mak submete ona dokumentu balun, atu husu kompleta maibe infelizmente klube ida husi 1⁰ divizaun ida mak dada an FC Portu Taibesi tanba depois de submete akordu de komprimisu , infelizmente sira hatete katak sira labele partisipa,”. Nia dehan asuntu ne’e ba jornalista sira iha FFTL, Dili,(24/04/2024).
Nia haktuir, iha Klubu 8 submete deit akordu de komprimisu la submete lista jogador no sira seluk tan, iha klube balun submete deit lista jogador maibe dokumentu sira seluk la submete.
“Lista konfirmadu mai foti ne’e hamutuk 17 maibé hatama loloos lista ne’e mak 12 no ita tenta nafatin sira seluk para mai submete lista ofisial sira ne’e”. Nia informa.
Daudauk ne’e iha klube neebe konfirmadu hatama lista nee ita bele dehan 12 ona, entaun hein tan hodi halo kompleta tan ba masimu tarjetu FFTL nia mak klube 17.
“Se ita la too tarjetu klube 17 mak ita lao deit ona ne’ebe mak rezistu, minimu 8,”katak nia.
Kona ba realizasaun tuir lolos iha loron 02 Maiu, maibe tanba klubu balun seidauk submete dokumentu no lista jogador sira mak sei hahu fali iha loron 09 Fulan Maiu maibe sei hein konkordansia husi FFTL.
1,251 total views, 3 views today
Bele hare Video Seluk :