DILI, (timorpost.com)—Provedor Direitu Humanus no Justiça (PDHJ), Virgilio da Silva Guterres hatete, iha planu operasional PDHJ nian kada fulan sei realiza Meet The Press, hodi fo sai informasaun liga ba prosesu servisu PDHJ nian ba iha publiku.
“Bazeia ba artigu 30 husi lei numeru 7/2004, alteradu ho lei numeru 8/2009 ne’ebe koalia kona ba dever atu informa ba publiku. Ho ida ne’e iha politika PDHJ nian sei realiza Meet The Press kada fulan hodi inform aba publiku relasiona ho servisu PDHJ nian”. Haktuir ProvedorVirgilio da Silva Guiterres, ba jornalista sira iha edifisiu PDHJ, Kaikoli, Kuarta (24/04/2024).
Provedor Virgilio haktuir, publiku presiza hatene informasaun sira liga ba atividade tomak ne’ebe mak PDHJ hala’o durante ne’e.
“Ita tenke informa ba publiku sira kona ba atividade no objetivu servisu PDHJ nian tenke disponivel nafatin ba kualker ema ne’ebe mak hato’o informasaun, aprezenta keixa ruma ka husu esklaresimentu ruma, atu sira hatene kona ba mudansa sira”. Nia haktuir.
Atu informa deit, PDHJ durante fulan tolu hahu husi Fulan Janeiru, Fevereiru no Marsu , hala’o ona servisu sira hanesan edukasaun no promosaun ba direitu umanus no boa governasaun, promosaun kabe ba kompetensia diresaun promosaun no delegasaun teritorial Baucau, Maliana, Same no RAEOA hodi halo sensibilizasaun informasaun ba publiku relasiona ho asuntu direitu umanus no boa governasaun.
Atividade ne’ebe mak hala’o mak formasaun entidade publiku no dizminasaun ba estudante no komunidade sira.
Iha mos formasaun ba membru BOP-PNTL iha Kaikoli ho total partisipante hamutuk 25 kompostu husi mane 21 no Ajente feto nain-4.
PDHJ mos hala’o formasaun ba membru FALINTIL-FDTL komponente Naval, Hera ho total parsipante hamutuk 24, mane 23, feto nain-1.
Aleinde ne’e mos, PDHJ halo mos aprezentasaun materia faze I no II, kona ba estratejia PDHJ hodi promove no proteje direitu umanu no promove governasaun di’ak ba funsionariu foun rekrutadu tinan 2023 husi Ministeriu Interior, MTCI no UNTL ne’ebe realiza iha INAP Komoro ho total partisipante hamutuk 91 , mane 69 no feto-22.
PDHJ mos halo promosaun ba dizaminasaun informasaun no Violensia Bazeia ba Jeneru ho total parsipante hamutuk 164, mane 78 no feto 88, numeru refere kompostu estudante hamutuk 128 no komunidade 36. Nia hakotu.
1,719 total views, 6 views today
Bele hare Video Seluk :