Dili (timorpost.com)—Kámara Komérsiu Indústria Timor-Leste (CCI-TL, sigla portugés), hetan vizita husi Sekretáriu Jerál Association of Southeast Asian Nations (ASEAN), Kao Kim Hourn, hodi haree setór privadu liu-liu ba kampu komérsiu Timor Leste no autór ekonomia ba Timor-leste, atu bele preparadu di’ak liu tan bainhira hola parte iha ASEAN.
Prezidente CCI-TL, Jorge Serrano, Informa objetivu Sekretáriu Jerál Association of Southeast Asian Nations (ASEAN), Kao Kim Hourn, vizita mai Kámara Komérsiu Indústria Timor–Leste importánsia tebes tanba bele haree no motiva setór privadu sira foka b fatór produtu ekonomia importante tebes la’ós ko’alia de’it polítika estratéjia nian.
“Vizita ne’e fó motivasaun boot tebes ba setór privadu liu-liu ba campu Comersiu Timor Leste no maluk sira seluk sai autór ekonomia ba Timor leste, atu bele preparadu di’ak liu tan hodi hola parte iha Asia futuru mai”. Haktuir Prezidente CCI-TL, Jorge Serrano, Informa ba jornalista Sira iha edifísiu CCI-TL, Kuarta (03/04/2024).
Nia Informa, iha diskusaun ne’e, Sekretáriu Jerál ASEAN, Kao Kim Hourn, fahe esperiénsia di’ak liga ba informasaun Kona ba papél fundamental setór privadu ba area potensiál iha atu bele tama iha merkadu boot Asia nian.
“Ami Sente orgullu tebe-tebes ba Sekretáriu Estadu Asia ninia lisaun ohin ne’ebé fó hanoin ba ami katak buat barak ita hare mais ita la hatene no dala ruma ita hatene maibé ita seidauk halo”.
Nia informa, kona ba Preparasaun CCI-TL nia reforsa setór privadu nasionál iha area produsaun sira, Turizmu hadi’a kualidade empregadu sira nia hanoin atu foka ba negósiu la’ós ne’e de’it maibé prepara mós kuadru rekursu Umanu ne’ebé servisu hola parte empreza sira atu forte iha koñesimentu kle’an nune’e bainhira hola parte iha Asian prontu ona.
2,076 total views, 9 views today
Bele hare Video Seluk :
Subscribe to Timorpost
