Reportajen Beatriz Belo/Asistente Editor Hermenegildo da Costa Tilman)
Dili (Timor Post)—Governu Timor-Leste liuhusi Ministériu Turizmu Komérsiu Indústria (MTCI), ohin hahú lansa ona programa Sesta Bázika Faze daruak iha loron 17 fulan Juñu tinan 2022, Iha Aldeia Baia-Leste, Suku Komoro no Munisípiu Dili.
Tuir Ministru MTCI, Lucas Guterres hatete, hanesan ohin hotu-hotu rona ona katak programa Sesta Bázika modelu ida husi planu rekuperasaun ekonomia ne’ebé mak halao tiha ona iha tinan 2021, nune’e mak ohin kontinua nafatin programa ida ne’e ba faze daruak nian.
“Tanba ne’e, iha ita nia programa implementasaun ka distribuisaun Sesta Bázika daruak nian ne’e, iha territóriu laran tomak, nune’e, mak liuhusi MTKI, loke ofisialmente ita nia distribuisaun Sesta Bázika iha Aldeia Baia Leste, Suku Komoro no Munisípiu Dili,” Nia hateten lia hirak ne’e iha, abertura Sesta Bázika Daruak iha Baia-Leste, Sesta (17/06).
Nia dehan, programa Sesta Bázika ne’e, la’o ho enkuadramentu ka baze legal, tuir Dekretu Lei númeru 10/2022, iha loron 04 fulan Marsu nian, nune’e mós mai ho Diploma konjuntu lima ka neen hanesan ne’e.
Objetivu prinsipál husi Programa Sesta Bázika faze daruak nian, mak atu haforsa ekonomia Nasionál ka ekonomia rai laran no mós haforsa fortifikasaun alimentár iha parte ai-han nian.
Ministru Lucas hatete, Iha programa sesta Bázika daruak nian nee, produtu sira ne’e mai husi produtu rai laran ka mai husi produtu lokál no inklui mós produtu mai husi rai li’ur, maibé kuandu produtu rai laran la sufisiente.
Enkuantu partisipa iha serimónia lansamentu ne’e, Ministru Turizmu Komérsiu Indústria (MTCI), Ministru Administrasaun Estatál (MAE), Lino de Jesus Torrezaun, reprezentante Ministru koordenadór asuntu ekonómiku, reprezentante Prezidente Autoridade Munisipál Dili, Xefe do Postu, Xefe suku no xefe Aldeia, Diretór Jerais, Diretór Nasionais, parseiru dezenvolvimentu sira, reprezenta husi UNDP, KAK no FONTIL. Hakotu.(Lee Notísia Seluk Iha Jornál Timor Post/Asesu You Tube Timor Post).
3,328 total views, 15 views today
Bele hare Video Seluk :
Subscribe to Timorpost
