Reportajen Beatriz Belo/ Asistente Editor Hermenegildo Tilman)
Dili (Timor Post)—Relasiona lansamentu Sesta Bázika ba faze daruak nian, iha Aldeia Baia Leste, Suku Komoro no Munisípiu Dili, to’o agora seidauk halo lansamentu, tanba ne’e Autoridade Xefe Aldeia Baia-Leste, Januário Ximenes konsidera Governu dada oras hanesan Borraxa.
Tuir xefe Aldeia Januário Ximenes hatete, oráriu iha konvite tuku 09:30 atu halo lansamentu Sesta Bázika Faze daruak, maibé to’o agora to’o ona oras 11:00 Governu liu husi Ministériu Turizmu Komérsiu Indústria (MTKI) rasik no Ministériu relevante sira seluk to’o agora seidauk marka prezensa iha fatin refere.
“Ita nia komunidade sira atu mai partisipa serimónia Sesta Bázika Fase daruak, kuandu hein kleur entaun sira baruk fila hotu ona ba uma, governu tenke kumpre oras ne’ebe mak iha, la bele dada oras hanesan borraxa, se Governu rasik mak la iha ona dixiplina ba oras oinsá mak ho komunidade sira” dehan Xefe Aldeia Baia Leste, Januário Ximenes iha fatin Lansamentu Baia Leste, Sesta (17/06).
Iha fatin hanesan, defisiente Arnaldo Ximenes hatete, nia parte la preokupa ho oras ne’ebe mak hakerek iha konvite, hanesan populasaun tenke hein, maski iha realidade governu rasik kontra ona oras iha konvite.
“Ha’u hanesan defisiente, hakarak ka la kohi ha’u tenke hein, atu hein to fali kalan mós ha’u prontu hein, hodi simu ha’u nia direitu” nia hakotu. (Lee Notísia Seluk Iha Jornál Timor Post/Asesu You Tube Timor Post)
1,485 total views, 3 views today
Bele hare Video Seluk :
Subscribe to Timorpost
