ADVERTISEMENT

PR Ho Kualidade Komandante Supremu Forsa Armada, Vizita Ofisiál Kuartel Jenerál F-FDTL

Timor Post - Dili · Jeral · Nasionál
Reportajen : Mariano Abi
Editor : Hermenegildo Tilman
  • Share
Prezidente Repúblika (PR), José Ramos-Horta ho kualidade hanesan Komandante Supremu Forsa Armada nian, ohin loron Segunda, 04 fulan Jullu 2022, halo vizita ofisiál bá Kuartel Jenerál F-FDTL no Ministériu Defeza, iha Fatuhada. Imajen TP/ Mariano Abi

Dili (Timor Post)–Prezidente Repúblika, José Ramos-Horta, ho kualidade hanesan Komandante Supremu Forsa Armada nian, ohin loron Segunda, 04 fulan Jullu 2022, halo vizita ofisiál bá Kuartel Jenerál Forsa Falentil Defeza Timor-Leste (F-FDTL) no Ministériu Defeza, iha Fatuhada.

Husi vizita ne’e, Prezidente Repúblika, José Ramos-Horta, nu’udar Komandante Supremu Forsa Armada nian, husi parte nia sente laran ksolok no orgullu, tanba nia halo vizita ba iha Ministériu Defeza, no Estadu Maijor das Forsas Armadas.

ADVERTISEMENT
SCROLL FILA BA NOTISIA

“Nu’udar Komandante Supremu Forsa Armada nian, primeira vez mak ha’u mai vizita iha mandatu ida ne’e, nune’e mós ha’u rona rezultadu avaliasaun, informasaun ne’ebé mak imi haree hahu dezde tinan 2000 to’o ohin loron, portantu hau kontente no haree evolusaun pozetivu progresu la’o nei-neik durante tinan 20 nia laran, ne’e siknifika lori tinan 20 ne’e atu dezenvolve, maske seidauk kompletu, ho ida ne’e tenke aselera tinan lima (5) ou sanulu (10) mai ne’e ho misaun Forsa ninian, ne’ebé, define husi ita nia Konstituisaun mak Defeza nia Independensia, Soberania, maibé husi Ida ne’e mós hanesan kontextu de Paz,” nia dehan hafoin remata vizita ne’e.

Lee Mós:
PNTL-F-FDTL Susesu Asegura Santa Misa ba Kardeál Dahuluk Timor-Leste

Portantu husi vizita ne’e, nia fó parabens ba Governante sira hotu, ne’ebé mak hahu sira nia serbisu iha tinan 2002 to’o ohin loron, nune’e mós ba nia predesesor sira hanesan, Fransisco Guterres Lu-Olo, Taur Matan Ruak, no José Alexandre Kayrala Xanana Gusmao, husi na’in-3 ne’e nu’udar Komandante Supremu Forsa no Xefe Estadu, ne’ebé mak sira hala’o nia knaar hodi tau matan ba TL nia Forsa.

Lee Mós:
Prezidente Horta Husu Governu Apoiu Másimu ba PNTL ho F-FDTL

“Ho ida ne’e mós ohin to’o iha ne’e halo vizita mós ba iha expozisaun sira iha Kuartel Jenerál F-FDTL ninian, nunka sufisiente, tanba Forsa la’os de’it kilat, la’os de’it sira nia preparasaun ba tekniku militar operasanal, entaun husi ne’e sei iha buat barak tan mak presiza liu, porque seidauk kompletu, tanba ita haree ita nia Estadu tomak mós ita bele hatete sei frazu, ne’e duni ita nia Forsa la’os haksoit ou hola parte iha Estadu nia kotuk,”

“Por ezemplu area ne’ebé mak ita nia Forsa presiza liu tan maka Sistema manutensaun, Lojistiku, parte seguransa Martima ne’ebé mak seidauk dezenvolve, ne’ebé agora esforsu atu halo buat barak ne’ebé mak la’o daudaun atu di’ak liu tan,” nia relata.

Lee Mós:
Governo timorense aprova deliberação contra violência com base no género em TL

Antes nia hakotu, husu ba Forsa Armada sira hotu, atu kontinua ita hotu-hotu nia visaun, hodi garante Instituisaun sira seluk hanesan Tane Dame, Apoiu Povu, Hadia problema hanesan dezastre natural, karik Forsa iha ekipamentu atu nune’e hamutuk ho autoridade munisípiu sira iha ne’eba, portantu ne’e mós depende barak iha politika Guvernu nian atu haree oinsa aumenta apoiu ba parte Enjinaria, Médika Forsa nian ba Lojistika.

 1,269 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Ho Kualidade Komandante Supremu Forsa Armada…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: