Dili (timorpost.com)—Prezidente Group Pelican Paradise, Datuk Edword Ong, bainhira hasoru malu ho Primeiru Ministru Kay Rala Xanana Gusmão, kompromete sei finaliza projetu iha tinan 2026.
“Ami mai hasoru Sua Exelénsia Primeiru Ministru hodi atualiza progresu projetu Pelican Paradise tanba projetu bo’ot hanesan ne’e tenke iha koordenasaun entre investidór ho Governu”. Timorpost.com sita husi Media GPM, Kinta (02/05/2024).
Nia hatutan, dezeñu detallu finaliza ona ne’ebé hein de’it bee-moos no eletrisidade hosi parte Governu para konstrusaun bo’ot bele hahú maibé kestaun ne’e empreza no governu iha koordenasaun di’ak hodi rezolve bee-moos no eletrisidade.
“Maibé iha faze dahuluk nian hanesan ateru rai sira hotu ona, ne’ebe bainhira bee no eletrisidade iha ona ami bele hahú, ami presiza fulan-36 hodi finaliza projetu ne’e”, nia haktuir.
Empreza Malázia ne’e sei halo konstrusaun otél, apartamentu no rezidénsia hamutuk unidade 287 ho kustu millaun $100, ne’ebé iha faze dahuluk sei hahú projetu iha rai ho medida ektare 16, ne’ebé tuir planu sei finaliza iha tinan 2026.
1,407 total views, 6 views today
Bele hare Video Seluk :