ADVERTISEMENT

Carlos Peloy ho Paulo da Silva Saláriu Liu PR Horta

Mario da Costa - Jeral
Jornalista : Cardenio Alves
Editor : Mário da Costa
  • Share
Deputadu Patrocino Fernandes, Imajen TP/Cardenio Alves

DILI (timorpost.com) – Prezidente Ezekutivu hosi Bee Timor Leste Empreza Públiku (BTL, E.P), Carlos Peloy dos Reis, ho Prezidente Eletrisidade Timor Leste Empreza Públiku (EDTL, E.P), Paulo da Silva, sira-nia saláriu boot liu Prezidente Repúblika (PR), José Manuel Ramos Horta.

Prezidente ezekutivu na’in-rua nia saláriu másimu kuaze dólar 6.000-6.500 USD, maibé kompara ho Prezidente Repúblika nian dolar 5.000. USD, no mós hanesan orgaun Lejizlativu nian dolar 4.500. USD.

ADVERTISEMENT
SCROLL FILA BA NOTISIA


Prezidente Bankada CNRT, Patrocino Fernandes, hatete saláriu boot, maibé servisu ida atu serbi Públiku no povu mak sei nafatin, no laiha balansu ba buat ne’ebé sira simu hodi presta fali ba povu no públiku asesa.

Esplika ba saláriu minímu no másimu, ne’e Governu mak iha kompeténsia tomak, tanba sira mak ho polítika hanoin hamosu dekretu lei.

Nia dehan, tuir dekretu lei sira ne’ebé Governu hola, ladún sensível ba moris realidade povu nian, tanba situasaun real dezenvolvimentu nafatin lentu, maibé bele regalia dekretu lei hodi fó saláriu másimu ba Emprezáriu públiku sira.

Lee Mós :
MJDAK Klarifika Kanselamentu Atleta Nain-Haat

Maibé Governu nu’udar sensibilidade umana, presiza haree merese ba sira atu Konsumu Saláriu másimu sira ne’e antes dekreta lei ba Saláriu refere.

Alende ne’e Prezidente Eletrisidade Timor-Leste, Empreza Públiku (EDTL,E.P), Paulo da Silva, informa ba públiku iha loron 21/10/2022, saláriu mensal dolar 6.500.USD, mós prezidente BTL, E.P Carlos Peloy dos Reis, mós fó sai informasaun katak nia saláriu mensal dólar 6.000 USD, maibé ne’e la’ós desizaun pesoál maibé dekreta hosi Governu.

Dekretu Governu n°: 10/2021, Saláriu mensal Prezidente EDTL,E.P ho BTL,E.P nian ne’e boot liu saláriu mensal no Prezidente Repúblika nian, maibé servisu sira nian mak sei nafatin, laiha mudansa ba interese povu nian.

Lee Mós :
Proibição de matrículas em Díli de alunos dos municípios “viola direitos humanos”

Dekretu Lei Nu.14/2019, 2021 Fulan Outubru, kapitulu II PR ho article haat, sobre remunerasaun Prezidente Repúblika nian iha númeru II, hatete xefe caza Sivíl mak sai pai da nasaun maibé saláriu mensal dolar 2.500 USD,

númeru tolu fó direitu ba Prezidente ba direitu ba “make allowance” ho nia valór 100% hosi Saláriu mínimu dolar 2.500 USD, tamba ne’e totál kada mensal PR simu dólar 5.000 USD.

Saláriu Prezidente ezekutivu EDTL,E.P nian bazeia ba dekretu lei n°:10/2021 article 2 remunerasaun mensal no mós Prezidente Ezekutivu EDTL, E.P ho montante dolar 6.500, USD,l.

Iha parte seluk Prezidente BTL, EP, Carlos Peloy dos Reis, esplika la’ós nia parte mak foti desizaun ba saláriu ne’ebé sira hetan kada fulan maibé tuir dekretu lei hosi Governu no orgaun Kompetente sira.

“Ami la halo desizaun rasik ba ami-nia saláriu, maibé ida-ne’e desizaun Governu, tanba ne’e ha’u entrega ba lejizladór sira mak ko’alia, tanba ami tékniku ne’e hein hala’o de’it serbisu,” nia hakotu.

Lee Mós :
Juiz Carmona pede a Governo acordos de extradição

Iha parte seluk nu’udar Ministru Prezidente Konselu Ministru, Fidélis Leite Magalhães, hatete iha loron 12 fulan setembru 2022, hafoin enkontru ho Komisaun B iha Parlamentu Nasionál halo deklarasaun ida ba saláriu minímu no másimu hosi Emprezáriu Públiku ba Saláriu Prezidente Repúblika.

Nia dehan, Saláriu mensal hosi Emprezáriu Públiku hanesan BTl, E.P ho EDTL, E.p kompara ho salariu Prezidente Repúblika, karik altera ka lá altera ba dekretu lei, buat hotu sei detalha iha faze diskusaun nia laran.

 1,742 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Carlos Peloy ho Paulo da Silva Saláriu Liu PR H…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No