DILI—Governu liuhosi Ministériu Defeza (MD), kompromete katak sei halo rekrutamentu ba FALINTIL Forsa Defeza Timor-Leste (F-FDTL), hamutuk ema na’in 80 resin ho diploma lisensiatura no baxarelatu.
Ministru Defeza (MD), Filomeno da Paixão de Jesus, hatete, rekrutamentu F-FDTL foun la’ós rekruta normal maibé rekruta espesiál, atu haree liu ba ema sira ninia diploma lisensiatura no baxarelatu.
“Rekrutamentu hanesan ha’u dehan ona rekruta la’ós normal mais rekruta espesiál, tanba sira sei ba ema liu 80 ho kursu lisensiatura no baxarelatu,” nia informa hafoin konklui audiénsia iha Palasiu Prezidensiál Bairru-Pité, Tersa (21/03).
Ministru ne’e esplika, FALINTIL Forsa Defeza Timor-Leste (F-FDTL), laiha kuadru ne’ebé kompletu atu prienxe, departamentu sira hanesan, enjeñaria, komunikasaun, médiku no seluk tan.
Rekrutamentu ba membru F-FDTL foun hirak ne’e, sei hala’o iha tinan ne’e nia laran, hodi nune’e bele prienxe programa sira ne’e.
Entaun, sidadaun sira ne’ebé hakarak atu aplika vaga ba militár tenke prienxe kritériu hanesan, kursu lisensiatura no baxarelatu, kritériu seluk mak komisaun tékniku sei fó sai.
3,837 total views, 6 views today
Bele hare Video Seluk :
Subscribe to Timorpost
