Semana hirak ikus, kazu aimoruk “Stock Out” sai manas iha rede sosiál, sosiedade tomak, ONG, órgaun soberanu preokupa. Situasaun ne’e komplika sosiedade tomak hodi kritika, tula-ibun de’it ba iha IX Governu hodi akuza katak IX governu inkapasidade.
Ita hotu tama iha gaiola “lasu laran” entre saude ho komérsiu.
Sésosiedade no opozisaun tempera liu tan maka halo grave tan ita ninia kondisaun rasik. Bele haree simples maibé defisil, sátan liga ba interese komún, no grave liu tan se liga ba kargu publiku no atendimentu públiku. Sensitivu liu maka ko’alia aimoruk liga ba ema nia vida.
Kestaun “Stock out” presiza ema hotu intende natureza problema. situasaun komplexidade hanesan ne’e susar atu hetan lalais resposta no solusaun.
“Stock Out”termu tékniku iha siénsia ekonomia katak tama iha situasaun ida ezemplu presiza loos atu sosa produtu ruma, bele halo pedidu aumezmu tempu produtór rasik laiha produtu rezerva no rezerva mos iha armajen mamuk.
Empreza distribuidór balun bele halo pedidu kompras urjente, maibé rezerva iha empreza produtór laiha. Kestaun aimoruk consumiveis balun ho kategoria data espira ho kurtu prazu, lori risku ba empreza fornesedór atu sosa ho kuantiada barak, sosa tiha lori mai ema la hemu, rai to expired ikus mai lori ba soe de’it.
Notísia Jornal Timor Post (Segunda 12 Fevereiru 2024) Instituto Nasional Farmasia no Produtu Mediku (INFPM) afirma katak ho total produtu aimoruk sia hanesan Amoxilin, Paracetamol Sarope, Simbaxtating,
Sambulitamol no sira seluk ta maski tama só bele ‘reduz’ ba dezafiu stock outno la’ós solusaun finál ba stock out.
Liga ba “prosesu administrativu” Governu la’ós naran hola de’it tenke bazeia ba nesesidade, loke konkrusu, karik urjente ajudika direita, iha prosesu kompra bele lori mos tempu oituan atu empreza produs fali medikamentu consumiveis, kompras aimoruk lahanesan kompras besi, kaleen no semente ou ai.
Razaun ita dependente, Timor-Leste ladauk iha empreza produtór ba aimoruk rasik. Pelu menus iha empreza distribuidor ofisiál hosi Kimia Farma Indonézia ou Empreza Medikamentu jigante iha mundu hanesan Índia ou Cuba ka Xina. Tanba empreza distribuidór maka halo operasaun iha merkadu.
Maioria ita dependente produtu hosi nasaun seluk, hasai osan boot kada tinan sosa aimoruk no ita rasik la produs ita ninia aimoruk. ne’e lori ita tama ba komportamentu merkadu nasaun seluk ninian, no lori ita tenke kumpre rekezitu merkadu no regra industrial ninian.
Nu’udar nasaun soberanu, kulpa ita nian hein katak mosu problema sai mós lisaun atu aprende hosi problema tanba sempre fó oportunidade hodi hadia, reflete ba problema real ita hasoru loron-loron liga ba kompras medikamentu.
984 total views, 3 views today
Bele hare Video Seluk :
Subscribe to Timorpost
