ADVERTISEMENT

Hadi’a Servisu Intelijénsia

Timor Post - Advertorial · Editoriál
  • Share
Serviҫos Nacional Intelecencia Timor Leste

Knaar Intelijénsia tuir lei parte hosi defeza no seguransa nasionál nian, servisu intelijénsia importante tebe-tebes. Tanba lei fó kompeténsia ba pesoál servisu intelijénsia tuir funsaun ne’ebé iha atu, promove peskiza, rekolla, halibur, analiza, interpreta no konserva, proteje informasaun no dadus tuir orden.

Servisu intelijénsia ne’e rekolla informasaun, hodi halo kapturasaun ba autór sira, dala-ruma sira kaptura loos, dala-ruma sala, maibé atu hatene sala ka loos ne’e tenke liuhosi prosesu investigasaun, hodi hatene loloos dadus util atu nune’e bele hatene loloos estratéjia kaptura, labele tau interese privadu ka pesoál nian iha laran.

ADVERTISEMENT
SCROLL FILA BA NOTISIA


Dala-ruma la uza estratéjia ne’ebé mak iha, maibé halo tuir fali saida mak sira nia hakarak, no servisu laloos ona, entaun kazu krime sira ne’ebé boot susar atu deteta no kaptura ba autór sira, tanba interese pesoál ka grupu nian iha laran. Tanba ne’e presiza hadi’a servisu intelijénsia sira nian, atu nune’e halo servisu ho profisionál.

Lee Mós :
Proteje Diréitus Umanus Tenke Tau iha Prátika

Iha kazu lubuk mak to’o ohin loron seidauk deteta autór sira, hanesan iha Dili, Baukau no Bobonaru, ema balu kanek, balu mate maibé kazu sira ne’e nonook tiha de’it, tanba intelijénsia sira sei fraku atu promove peskiza, rekolla, halibur, analiza, interpreta no konserva, proteje informasaun.

Tentativa ka ezekusaun krime nian, liu-liu krime grave, hanesan aktu sabotajen, espionajen, terrorizmu, tráfiku narkótika no droga, tráfiku armas no krime organizadu sira seluk, hahalok ne’ebé bele ameasa, alitera ka destroi Estadu Demokrátiku.

Ita presiza halo estuda ka haree referénsia hosi ema Indonézia, ezemplu de’it hanesan Ferdy Sambo nian, ne’ebé mak Polísia jenerál boot mak haruka ba oho hodi ba hakoi tiha, ema lahatene, maibé ema servisu intelijénsia servisu makaas rekolla dadus sira ne’e hotu deteta katak, jenerál boot sira mak haruka ema oho lalais de’it ema polisia sira ba kaer hodi halo julgamentu ne’ebé lalais de’it.

Lee Mós :
Hakruk ba Fundadór RDTL

Servisu intelijénsia sira iha Timor halo servisu no esforsu hodi identifika ba kazu sira ne’ebé boot no kaer duni autór sira ne’ebé komete krime hodi hatama ba kadeia, tanba sira tau interese nasaun nian aas liu sira nian, maibé parte balu mós kazu boot sira sei abandona hela.

Ne’ebé presiza hadi’a tan ita nia intelijénsia sira nia kapasidade profisionalizmu, labele tau interese solidariedade, maun alin no interese sira seluk iha laran, maibé tenke tau interese nasaun nian aas liu, tanba servisu ne’e ba nasaun ne’e nia interese.

Lee Mós :
Editoriál; Konsumu Thrombolytic Kura Kardíaka

Tanba ne’e husu ba governu liuliu ministériu ka instituisaun relevante tenke tau osan ba formasaun ninian, ho haruka servisu intelijénsia sira ba tuir formasaun iha rai li’ur ba hodi aumenta tan sira nia kapasidade no koñesimentu kona-ba area intelijénsia ninian ka haruka sira ba halo estudu komparativu iha nasaun sira avansadu ne’ebá, atu nune’e sira fila fali mai implementa iha ita nia rain.

 3,066 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hadi’a Servisu Intelijénsia” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No