KOVALIMA, (timorpost.com) Xefe suku Matai, postu administrativu Maukatar, munisípiu Kovalima, Nuno José Mesquinta Pereira, informa komunidade iha suku Matai kontinua halerik ba bee-moot tanba iha suku refere rai-okos mina de’it mak nakonu..
Komunidade suku Matai mós sente triste tanba dezde okupasaun Indonézia mai ukun-an to’o ohin loron tanba estrada nafatin aat liuliu ponte iha fatin refere ne’ebé defikulta tebes komunidade labele asesu ba merkadu bainhira udan.
“Ita-nia komunidade iha suku Matai sente triste tebes tanba komunidade sira ne’ebé mak halo negósiu, iha tempu udan sira labele ba halo negósiu iha merkadu tanba laiha ponte para sira atu hakat liu hahú kedas ukun-an to’o agora seidauk halo reabilitasaun ba iha estrada iha suku Matai ida-ne’e,” xefe suku Motai, Nuno José Mesquita Pereira, informa ba Timor Post iha Kovalima, Sesta, (09/02).
Nia hatutan “Suku Matai nafatin halerik ba bee-moos tanba suku Matai ne’e nakonu liu ho mina, liuliu aldeia Matai komunidade rasik labele halo perfurasaun rasik ba iha kada uma ka kada família tanba kuandu sira fura sira hetan de’it Mina, bee sira la hetan, desde tempu Indonesia nian, komunidade rasik maka iha inisiativa dada bee direita husi foho tun mai iha Suku matai ida ne’e, maibé daudaun ne’e suku matai ho Aldeia Matai no Aldeia kunai mak araska tebes ba iha bee moos, maibé Aldeia Lorai ho Aldeia kiak ne’e sente di’ak, tanba iha neeba bee nakonu, entaun sira rasik bele fura no hetan bee”.
Kona-ba eletrisidade iha bairuu balun mak seidauk asesu maibé maioria komunidade iha suku Matai hasesu hotu ona.
Xefe suku ne’e mós husu ba Governu Konstitusionál da-IX atu halo dezenvolvimentu karik labele foku de’it ba infraestrutura urbana maibé presiza tau-matan mós ba área rurál liuliu suku sira ne’ebé dook husi kapitál Suai nian.
“Ami-nia suku Matai ita haree ba iha mapamentu nia bele tama iha área urbana, tanba suku Matai nia bele iha postu administrativu do’ok liu maibé nia hela iha área vila nian, tanba ida-ne’e mak hanesan xefe suku rekomenda nafatain ba autoridade kompetente sira oinsá para bele aselera dezenvolmentu ne’e, bele tama to’o iha ami-nia suku ne’eeba”, nia rekomenda.
Enkuantu suku Matai kompostu husi aldeia 4, kompostu husi aldeia Matai, Labarai, Kunai ni ki’ak ho totál populasaun hamutuk 3000 resin.(*)
1,965 total views, 12 views today
Bele hare Video Seluk :
Subscribe to Timorpost
