ADVERTISEMENT

Polísia Husu Komunidade Respeita Sinais Tránzitu

Marcos Fernandes - Defesa no Seguransa · Dili
Jornalista : Olga Soares
Editor : Marcos Fernandes
  • Share
Xefe Departamentu DTSRN Superintendente Asistente Polísia Luis da Costa

Dili(timorpost.com)— Polísia Nasionál Timor-Leste liuhosi Departamentu Tránzitu Seguransa Rodaviaria Nasionál (DTSRN) alerta ba komunidade ne’ebé kondús transporte públiku no privadu husu atu respeita sinais tránzitu ne’ebé mak polísia ho Diresaun Nasionál Transporte Terestre (DNTT) monta ona iha fatin públiku sira.

 Xefe Departamentu DTSRN, Superintendente Asistente Polísia, Luis da Costa, hatete sinais ne’ebé mak instala ona iha fatin foun hirak ne’e, liuliu iha kapitál Dili, ne’e parte Polísia Tránzitu servisu hamutuk ho DNTT. Antes atu harii sinais ida iha fatin ida, iha kontaktu entre parte tránzitu ho DNTT.

ADVERTISEMENT
SCROLL FILA BA NOTISIA


“Ita haree ema nafatin viola sinalizasaun sira, ema hirak ne’e ita konsidera Timoroan ne’ebé maka seidauk iha konxiénsia, tanba ne’e nafatin apela ba ema hotu tantu iha Dili no Munisípiu bainhira halo viajen tun mai Dili, uza karreta ka motorizada tenke haree ba sinais sira ne’e no husu atu respeita”, Luis da Costa, hato’o informasaun hirak ne’e nia servisu fatin Kaikoli, Sesta (09/02).

Lee Mós :
Laiha Selebrasaun Misa iha Kapela Bidau Tanba Tahu Nakonu

Nia dehan, hahalok Timor nian maski iha fatin públiku sira monta ona sinais, maibé presiza tan polísia tenke hamriik iha sinais nia sorin, enkuantu iha nasaun boot sira, sinais ne’e reprezenta ona polísia tránzitu.

“Mais iha Timor oin seluk, sinais iha ona tenke presiza tan polísia tránzitu iha ne’ebá firme oras 24, hahalok hirak ne’e konsidera ema Timoroan mak laiha duni konxiénsia”, nia kestiona.

Lee Mós :
PNTL La Tolera Problema Iha Kapitál Dili, Kriminozu Sei Simu Konsekuénsia

Enkuantu kona-ba via públiku ne’e la’ós servisu tránzitu nian mesak, servisu tránzitu ne’e nia impoin de’it lei no implementa regra ne’ebé mak governu fó.

“Ita ko’alia kona-ba sinalizasaun, markasaun no mós estasionamentu iha via públiku, ne’e kompeténsia hosi ministériu hirak seluk, maibé ita tenta atu halo koordenasaun ho instituisaun sira oinsá atu bele haree hamutuk hodi halo estasionamentu karik nia modelu ne’e halo oinsá.

Luis da Costa, fó ezemplu, agora daudauk iha G7+ iha ne’ebá iha ministériu haat mak halo hela servisu koordenasaun, iha parajen ne’ebá pedidu ba ona iha Ministériu Interior katak, atu bele fó espasu ba sira, maibé depois, parte tránzitu halo koordenasaun entre liña ministeriais atu haree via públiku ne’ebé maka lei fó dalan atu halo espasu iha ne’ebá.

Lee Mós :
Jesus Hatudu Nia Domin Boot Hodi Salva Povu Tomak Hosi Pekadu Mundu Nian

“Tanba ne’e mak ita tenta servisu hamutuk ho DNTT, oinsá ita fó espasu ba sira tuir lei kódigu estrada ne’ebé mak atribui ba ita, tanba parajen ka estasionamentu iha via públiku ne’e iha de’it liman karuk, laiha liman loos  ho nune’e mak ita nafatin servisu ho instituisaun relevante oinsá atu bele rezolve públiku nia preokupasaun iha estrada públiku”, nia hakotu.

 807 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Polísia Husu Komunidade Respeita Sinais Tránzitu” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No