DILI- Ró Cruzeiru ho naran Pacific Explorer ne’ebé tula turista hamutuk 2945 inklui crew ró-ahi nian aranka husi Bali atu ba Austrália, maibé tuir ajenda sei atraka iha Portu Dili iha oras, tuku hitu dader no turista sira sei tun husi ró la’o pasiar iha Dili laran.
Ró Cruzeiru Pacific Explorer konstrui iha 1997 husi Estaleiro Fincantiere iha Monfalcone Italia Hanesan Ró pasiar (Cruzeiru) no hetan sertifikadu husi ” Corporation Certificate of British Registry” husi Reinu Unidu Londres, no propriedade husi Carnival Corporation & Plc.
Ró ne’e hahú halo nia operasaun iha fulan Juñu 2017, operasaun husi P&O Cruise Australia Carnival, ho destinu Sul Pacifico, no Cruzeiru ne’e iha fasilidade restaurante hamutuk ualu, kuartu haat, pisina haat, salaun hitu no bar, no sala rua ba labarik sira.
Ró ne’e Mós ho nia naruk 260 m/853ft, As 77,441 gross tonnage i kapasidade 2945 guest.
Iha konferénsia ba imprensa, Tersa (04/02/2020), Diretór Jerál Turizmu, Ministériu Turismu, Komersiu no Industria (MTKI), José Dias Quintas hatete, nia parte koordena ona ho parte saúde nian hodi halo revista ba turista sira nia saúde liuliu antisipa virus Corona.
“Ha’u sente kona-ba moras Corona ne’e isu global, ita hotu-hotu hatene sai preokupasaun la’ós Timor de’it maibé iha mundu rai klaran,” José Quintas hatete ba Jornalista sira iha CCD-Dili.
Partisipa iha konferensia imprensa ne’e hosi Unidade Polisia Marítima (UPM), APORTIL, Kruz Vermella, Polísia Munisípiu Dili. (ato)
565 total views, 3 views today
Bele hare Video Seluk :
Subscribe to Timorpost
