MANUFAHI(timorpost.com)–Polisia Nasionál Timor-Leste (PNTL) liu hosi komandu polísia Munisípiu Manufahi maka sei responsabiliza prosesu funebre tomak ba saudozu Sarjentu Abrao Mendonca hahú husi kaisaun, tiru Saltu sei responsabiliza husi parte polísia.
Komandante komandu polísia munisípiu Manufahi, assistente superintendente, Domingos Grigorio Soares informa, nia membru polísia sarjentu Abrao Mendonca nia mate ho kondisaun hanesan hela baibain no laiha sinal ruma iha nia isin lolon.
“Tanba laiha sinal ruma iha isin no lolon matebian no saúde di’ak hela ho ida ne’e familia desidi atu lalika lori ba halo autopsia,”dehan komandante Domingos ba Timor post iha Same, Sesta (09/02).
Ne’eduni horsehik parte komandu akomaana mate isin husi nia servisu fatin postu Betano lori ba tau iha nia residensia Roin, suku Tutuluro, postu administrativu Same.
“Ha’u halo ona karta ba komandu jerál atu haruka kaisaun ba atu nune’e hodi haloot ba kaisaun laran hodi prepara ba prosesu funebre”nia esplika.
Komandante munisípiu ne’e dehan, hanesan parte seguransa sente triste tebes bainhira lakon membru polísia ida no hanesan rekursu di’ak ida hodi apoiu ba servisu iha tereinu.
“Maibé buat hotu vida iha mundu jornada ema ida-idak ninian, neduni distinu too mak nune’e ona. Maske ami nia membru menus tan nain ida maibé ami sei nafatin esforsu serbisu PNTL ho di’ak,”nia sublina.
Portantu saudozu hanesan polísia ida neduni ninia seremonia funebre hahú husi kaisaun no atu tiru “Salbu” sei responsavel husi parte Polísia Nasional Timor-Leste (PNTL).
“Família ne’ebé matebian hislm hela, parte komandu sei bolu hodi kompleta administrasaun ruma nune’e hodi haruka ba rekursu humanus komandu jerál Dili hodi hare ba matebian ninian pensaun”dehan komandante.
Assistente superintendente ne’e dehan, matebian durante ne’e laiha moras ruma ho kondisaun di’ak hela.
“Hafoin hau destaka mai Manufahi ha’u rasik ba vizita too nia serbisu fatin postu Betano dada lia ho nia no nia di’ak hela nunka hetan moras, movimentu ba komunidade sira di’ak hanesan baibain”nia hakotu.
861 total views, 3 views today
Bele hare Video Seluk :
Subscribe to Timorpost
