(Reportajen Luis Casmeiro/Editor Mateus da Cruz)
FATUKILAT—Hafoin eleitór sira ezerse ona sira nia votu iha sentru votasaun Pre eskolár Fatukilat, Aldeia Ainessi, Suku Fahi-nehan, Postu Administrative Fatuberliu, Manufahi, tama kedas ho kontajen votu, no iha rezultadu kontajen votu, kandidatu Ramos Horta dudu sess Lú Olo ho votu 71 kontra 44.
To’o tuku 03:00 fó sai rezultadu kandidatura númeru ida (1) José Manuel Ramos Horta dudu sees kandidatu númeru Francisco Guterres Lú Olo ho total votus hitu nulu resin ida (71) enkuantu kandidatura númeru rua (2) hetan votus ha’at nulu resin ha’at (44) iha sentru votasaun (SV) pre-eskolar FAtukilat.
Tuir observasaun Timor post nota katak, prosesu eleisaun hahú husi tuku 07:00 oras Timor Leste no remata iha tuku 03:00 no eleisaun ne’e rasik hetan seguransa hosi membru polisia komandu distritu Manufahi, hetan mós supervizaun hosi Ofisial Supervizaun Eleitoral (OSE) inklio hetan mós akompanamentu husi fiskais entre kandidatura na’in rua (2).
Maibé iha prosesu eleisaun iha Sentru Votasaun (SV) Pre-eskolar Fatukilat, aldeia Ainessi, suku Fahi-nehan, postu administrative Fatuberlio termina iha tuku 11:15 tanba eleitores sira partisipa hotu ona eleisaun iha votasaun.
Enkuantu prosesu eleisaun iha sentru votasaun pre-eskolar Fatukilar hahú husi tuku hitu remata iha tuku sanulu enkuantu ekipa STAE, OSE inklui brigada sira hein hela oras atu kontinua ba kontajen votus nune’e hodi kontinua aranka ba apuramentu municipal.
Entretantu iha kontajen votus iha votu nulu rua 2 enkuantu ba votu abandona, rezeitadu, branku no reklamadu laiha. Total votantes ne’ebé vota hamutuk atus ida sanulu resin hitu (117). (Lee Notisia Seluk Iha Jornal Timor Post/Asesu You Tube Timor Post)
833 total views, 3 views today
Bele hare Video Seluk :