Manufahi(timorpost.com)—Ministru Komérsiu no Indústria (MKI) ho komitiva hala’o vizita diretamente ba grupu sira iha munisípiu Manufahi inklui grupu kafé família iha Aldeia Ladiki, Suku Letefoho, Postu Administrativu Same, Munisípiu Manufahi.
Iha vizita ne’e, Koordenadora grupu kafé Família, Natalia da Costa Noronha, informa grupu kafé família la’ós harii hosi ema funsionáriu, maibé hosi komunidade agrikultores baibain sira.
“Grupu ne’e eziste ho ami nia kapasidade rasik tuir nivel edukasaun hahú hosi pre-sekundária to’o sekundária, maibé konsege tranzmite ona koñesimentu ba ema seluk inklui estudante sira, partisipa iha palestra balun no agora kria hela kampu servisu ba maluk sira seluk”, Natalia da Costa Noronha, informa ba Timor Post iha nia servisu fatin Same Sesta (16/02).
Nia hatete, durante ne’e grupu esforsu hodi sosa produtu lokál hanesan kafé, kamii, Nu’u, Maek no Kaizus musan.
Ba kafé durante ne’e grupu sosa kafé laku ten no kafé baibain inklui produtu sira seluk hosi komunidade agrikultores sira iha munisípiu Manufahi.
“Ami halo vizita mai iha ne’e hodi haree besik atividade grupu sira nian, atividade saida-saida mak sira halo, tanba grupu hirak ne’e MKI liuhosi Diresaun sira servisu iha munisípiu mak halo hela akompanamentu komesa hosi tinan 2012 to’o ohin loran no iha progresu lubuk ida mak sira atinje ona”, Ministru Komérsiu no Indústria (MKI), Filipus Nino Pereira, hatete ba Jornalista Timor Post iha .
To’o ohin loron grupu sira sei nafatin ejiste, ne’e signifika katak sira iha jestaun orsamentu no jestaun grupu la’o ho di’ak tebes.
Ministru ne’e hateten, ho jestaun ne’ebé mak di’ak hodi halo grupu diversifika tan produtu balun hanesan kamii, Maek no la’ós de’it mak kafé hodi fa’an ba merkadu, maibé ho produtu sira seluk tan.
“Dezafiu ne’ebé grupu tatoli hela kona-ba presu hosi produtu sira, maibé buat sira ne’e hotu depende ba merkadu ho ida ne’e ami sei haree no ita mós presiza halo negosiasaun ba presu produtu lokál ho distributor hanesan grupu mensiona Gajah Mada”, nia haklean.
Nune’e grupu mós rekomenda atu konstrui fatin ho ida ne’e sei haree hodi apoiu, tanba grupu hatene ona halo jestaun no kuidadu produtu hodi nune’e kontinua la’o ba oin.
Tuir observasaun Timor post nota katak, Ministru hafoin vizita grupu sira iha suku Letefoho kontinua vizita tan grupu balun iha suku Betanu no sira seluk iha Postu administrativu Same.
2,211 total views, 3 views today
Bele hare Video Seluk :
Subscribe to Timorpost
