(Reportajen Jaime Pires/Editor Mateus da Cruz)
Dili (Timor Post)— Reuniaun Konsellu Ministru, ohin, lidera hosi Primeira Ministra Interina, Armanda Berta, deside fó fiar ba Ministru Finansas (MF), Rui Gomes, atu negósia ho banku mundiál kona-ba impréstimu hodi finansia projetu bee moos.
“Konsellu Ministru delibera atu autoriza Ministru Finansas, ha’u rasik atu negosia ho Banku Mundiál kona-ba kondisaun espesífika sira ba impréstimu hodi finansiamentu projetu fornesimentu bee moos ba sidade Dili,” dehan Ministru Prezidensiál Konsellu Ministru Interinu, Rui Augusto Gomes, iha Palásiu Governu, kuarta (06/04).
Rui hatete, projetu ne’e ho objetivu atu aumenta área kobertura ba servisu abastesimentu bee moos no hadi’a kapasidade institusionál BTL.EP nian.
“Projetu ne’e ho valór totál dollar amerikanu millaun 123,37, iha ne’ebé 120,76 USD mai husi impréstimu ne’e rasik,” deklara Ministru Finansas.
Projetu ne’e ho durasaun tinan 7, hahú husi tinan 2023 to’o 2029 no sei benefisia ba ema na’in 82.300 husi munisípiu Dili nian.
Enkuantu kona-ba espesifiku atu dada bee moos husi ne’ebé mak mai no dada ba ne’ebé ne’e, nia parte labele esplika klaru maibé bele ba konfirma direta Prezidente BTL nian.
“Tanba Timor-Leste mós importa sasán husi rai li’ur, entaun Timor-Leste mós tenke sai sujeitu hotu ba situasaun ida ne’e,” deklara Ministru Finansas ne’e.
Maibé governu agora atentu nafatin hela no halo hela koordenasaun buka opiniaun sira atu buka mekanizmu oinsá atu bele proteje populasaun sira labele susar.(Lee notisia seluk iha Timor Post/Asesu You Tube Timor post)
1,091 total views, 6 views today
Bele hare Video Seluk :