(Reportajen Estaziadu Mariano Abi/Asistente Editor Hermenegildo da Costa Tilman)
Dili (Timor Post)–Xefe Departamentu Emerjénsia, Hospital Nasionál Guido Valadares (HNGV), Flávio Jose Boavida, hatete, durante fulan Marsu nia laran Sala Emerjénsia rejista pasiente tanba kazu asidente, hamutuk na’in 225, hosi numeru ne’e na’in ida lakon vida.
Nia hatete, pasiente ne’ebé tanba kazu asidente rejista barak iha HNGV tanba durante fulan Marsu nia laran iha hela ámbitu kampaña Polítika hodi rezulta asidente barak.
“Iha tipu rua asidente, asidente motor ho asidente karreta, nune’e iha motor nian 204, karreta nian maka 21, hamutuk 225 kajú, husi asidente 225 ne’e la baixa hotu iha Emerjénsia laran,” nia informa ba jornalista sira iha ninia kna’ar fatin, Sala Emerjénsia HNGV, Kuarta, (06/04).
Nia hatutan, pasiente sira ne’ebé moras kaman, parte médiku sira hamoos sira nia kanek no observa iha minutu balun hafoin ne’e haruka fila ba uma, maibé kazú balu ne’ebé mak todan rekere baixa hodi halo tratamentu ba kontinuasaun.
Enkuantu, husi kajú asidente 225 ne’eiha joven na’in ida ho idade 15 maka lakon vida tanba sofre trauma maka’as iha parte kakutak. (Lee Jornál Timor Post/ Asesu You Tube Timor Post)
962 total views, 3 views today
Bele hare Video Seluk :
Subscribe to Timorpost
